Al-Khaizuran

Al-Khaizuran

Nome orixinal	(ar) الخيزران بنت عطاء
Biografía
Nacemento	século VIII Iemen
Morte	20 de novembro de 789 Bagdad, Iraq
Lugar de sepultura	Al Khaisaran cemetery (en)
Actividade
Campo de traballo	Poesía
Ocupación	poetisa, gobernante, escritora, política
Familia
Cónxuxe	Al-Mahdi
Fillos	Al-Hadi, Harún al-Rashid
Irmáns	Salsal bint Ata
Descrito pola fonte	Two Queens of Baghdad (en)

Al-Khaizuran bint Atta (en árabe: الخيزران بنت عطاء), finada en 789, foi esposa do califa abasí Al-Mahdi e nai doutros dous califas: Al-Hadi e Harún al-Rashid, gobernou de facto de 775 a 789 durante o reinado do seu marido e fillos sendo coñecida pola súa enorme influencia nos asuntos estatais.

Khaizuran foi a primeira muller na historia do islam en gobernar e a primeira muller na historia musulmá en acuñar moedas de ouro co seu nome. Converteuse nunha das mulleres máis poderosas da súa época baixo o nome do seu marido e fillos, Mahdi, Hadi e Harún. Durante o reinado de Mahdi, Khaizuran apareceu a miúdo na corte cando o califa estaba presente e fixo uso dun gran poder político, porque Mahdi non facía nada sen o seu consello e consentimento e, antes da emisión de calquera decreto, consultábao con ela.

Despois da morte do soberano, Khaizuran fíxose cargo directamente dos asuntos de goberno até a chegada do seguinte califa, e logrou a lealdade do exército do seu fillo, mais Hadi opúxose á súa nai non querendo compartir con ela o goberno. Á morte de Hadi rumoreouse que Khaizuran o fixera asasinar. Ao gobernar o seu outro fillo Harún al-Rashid, volveu ter o poder político.