| Biografía | |
|---|---|
| Nacemento | século XIV  |
| Morte | século XIV |
| Señor | |
| | |
| Outro | |
| Título | Señor |
| Cónxuxe | María Ramírez de Guzmán |
| Fillos | García de Castro |
| Pais | Alvar Peres de Castro e María Ponce de León |
| Irmáns | Beatriz de Castro Sabela de Castro Pedro de Castro |
Alonso de Castro e Ponce de León, foi un nobre galego, señor de Castroverde. Foi fillo de Alvar Peres de Castro, primeiro conde de Arraiolos (vila portuguesa no Distrito de Évora), primeiro conde de Viana da Foz do Lima e primeiro condestábel de Portugal, e da súa dona María Ponce de León. Á súa vez, era neto, por liña paterna, de Pedro Fernández de Castro, "o da guerra", señor da Casa de Lemos (finado en 1343) e da dama portuguesa Aldonça Lorenço de Valadares (nada contra o 1270). Por liña materna os seus avós foron don Pedro Ponce de León, "o vello", señor de Marchena e Bailén, e da súa dona Beatriz de Jérica e Lauria (1305-1372). Polo tanto, Alonso de Castro descendía por vía paterna, da Casa Real de Castela, sendo bisneto de Sancho IV, "o Bravo", rei de Castela e León. Por vía materna, era descendente directo de Xaime I o conquistador, rei de Aragón.
Foron irmáns de don Alonso de Castro:
- Pedro de Castro "o Vesgo", señor de Cadaval, que casou con Leonor Tellez de Meneses, cuxa descendencia deu continuidade á casa de Cadaval;
- Beatriz de Castro, casada con Pedro Núñez de Lara, conde de Mayorga, matrimonio que non tivo descendencia;
- Sabela de Castro, casada con Pedro Enríquez, conde de Lemos, cuxa descendencia deu continuidade á casa de Lemos.