Atol Palmyra

Atol Palmyra

(en) Palmyra Atoll
Tipo	Área insular dos Estados Unidos território ultramarino integral (pt) Atol
Epónimo	Palmyra (en)
Descubridor ou inventor	Edmund Fanning (en)
Parte de	Illas da Liña
Situado na entidade xeográfica	Illas da Liña
Localizado na área protexida	Palmyra Atoll National Wildlife Refuge (en)
Localización
Continente	Oceanía insular
División administrativa	Illas ultramarinas dos Estados Unidos, Estados Unidos de América
5°53′00″N 162°05′00″O / 5.8833333333333, -162.08333333333
Bañado por	Océano Pacífico
Características
Altitude	2 m
Punto máis baixo	Océano Pacífico  (0 m )
Superficie	3,9 km²
Historia
Data de creación ou fundación	21 de agosto de 1959
Cronoloxía
7 de novembro de 1802	naufraxio, ⇒ Cornelius Sowle (en)
1798	primeiro avistamento
Data de descuberta ou invención	1798
Actividade
Operador	United States Fish and Wildlife Service (pt) Office of Insular Affairs (en)

Palmyra é un atol deshabitado, de 12 km² de área, na parte central do océano Pacífico. É unha das Espóradas Ecuatoriais (ao sueste do Arrecife Kingman e ao norte de Kiribati), localizado case directamente ao sur das illas Hawaianas, aproximadamente na metade do percorrido entre Hawai e Samoa. Os seus 14,5 km de costa teñen un fondeadoiro coñecido como West Lagoon (Lagoa Occidental). O atol consiste nun extenso arrecife de coral, dúas lagoas, e uns cincuenta illotes de area, rochas, arrecifes e barreiras cubertos pola vexetación, composta por cocos, Scaevolas, e altas Pisonias.

Fóra das illas Sand, ao oeste, e Varren, ao leste, a maioría delas están conectadas entre si. A maior das illas é a illa Cooper, que está ao norte, seguida pola illa Kaula, situada ao sur. O arco de illotes máis setentrional está formado polas illas Strawn, Cooper, Aviation, Quail, e Whippoorwill, acompañados ao leste polas illas Eastern, Papala e Pelican, e ao sur polas illas Bird, Holei, Engineer, Marine, Kaula, Paradise e Home (sentido horario).

Palmyra é un territorio dependente dos Estados Unidos, o que significa que está suxeito a todas as normas contidas na Constitución estadounidense e está permanentemente baixo a súa soberanía. Tamén é un territorio desorganizado, xa que non hai ningúnha disposición do Congreso que especifique como debería ser gobernado. A única lei relevante simplemente dá ao Presidente a decisión de administrar a illa como el queira ^[1]. Non hai poboación indíxena nin razón ningunha para pensar que a haberá nun futuro. É polo tanto, actualmente, o único territorio estadounidense desorganizado e incorporado. A súa enteira propiedade está reservada á The Nature Conservancy, que trata o atol como unha reserva natural, sendo administrado dende Washington, D.C. pola Office of Insular Affairs, da United States Department of the Interior. As augas que o rodean, ata o límite de 12 millas, foron transferidas á United States Fish and Wildlife Service, e designadas como Palmyra Atoll National Wildlife Refuge en 2001. A defensa é responsabilidade dos Estados Unidos.

A día de hoxe, non hai ningunha actividade económica nas illas. Construíronse moitas estradas e calzadas durante a segunda guerra mundial, pero están nun estado deplorable e cubertas pola vexetación. Tamén hai unha pista de aviación de aproximadamente 2 km na illa, sen pavimentación e que necesita melloras.

1. ↑ Sección 48 do Acto Universal Hawaiano, Lei Pública número 86–624, 12 de xullo de 1960, 74 Decreto 411, anexo ás previas seccións 491 a 636 do Título 48, Código estadounidense