Avea

Para obter información da especie normalmente cultivada ver o artigo Avea común

Avea (xénero Avena)
Avena fatua
Clasificación científica
Reino: Plantae División: Magnoliophyta Clase: Liliopsida Orde: Poales Familia: Poaceae Subfamilia: Pooideae Tribo: Aveneae Xénero: Avena L.
Especies
Ver texto
Sinonimia
Anelytrum Hack. Preissia Opiz[1]

As aveas son plantas pertencentes ao xénero Avena da familia das poáceas,^[1] utilizadas como alimento e coma forraxe para o gado. As especies máis cultivadas a nivel mundial son a Avena sativa e mais a Avena byzantina nesta orde. En Galicia, malia terse cultivado dende a antigüidade, non foi dos cereais máis sonados. No país medran especies espontáneas, algunhas daniñas; ademais da avea común (Avena sativa), medra brava a avea bouba, louca ou balloca (Avena fatua).

Malia non ter a importancia no pasado doutros cereais coma o trigo, o orxo ou o millo en Galicia, en Asia Central cultivábase en boa cantidade. As investigacións arqueolóxicas proban o uso da avea na Europa Central xa na Idade de Bronce. Tamén foron atopados grans deste cereal en escavacións exipcias, aínda que o seu cultivo non foi demostrado.

1. ↑ ^{1,0 1,1} Watson L, Dallwitz MJ. (2008). "The grass genera of the world: descriptions, illustrations, identification, and information retrieval; including synonyms, morphology, anatomy, physiology, phytochemistry, cytology, classification, pathogens, world and local distribution, and references". The Grass Genera of the World. Arquivado dende o orixinal o 20-08-2009. Consultado o 19-08-2009.