Bombardeo de Gernika

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2016.)

Bombardeo de Gernika
Guerra Civil Española
Tipo	bombardeo aéreo dunha cidade
Resultado	Incendio e destrución da cidade
Localización	Gernika, Biscaia
Coordenadas	43°19′00″N 2°40′00″O / 43.31667, -2.66667
[ Wikidata ]

O bombardeo de Gernika, realizado o 26 de abril de 1937, foi un ataque aéreo á vila vasca de Gernika durante a Guerra Civil Española. O ataque, lanzado por avións alemáns da Lexión Cóndor e italianos da Aviazione Legionaria, causou gran cantidade de vítimas civís e destruíu boa parte da vila. A incursión foi bautizada co nome de Operación Rügen.

O número de vítimas do ataque está en disputa; o goberno vasco falou de 1.654 persoas mortas,^{[Cómpre referencia]} pero especulacións modernas suxiren que morreron entre 200 e 400 civís.^{[Cómpre referencia]} Arquivos rusos revelan 800 mortes o 1 de maio de 1937, pero esta cifra non inclúe ás vítimas que morreron posteriormente nos hospitais polas feridas sufridas, ou a daqueles corpos atopados baixo os cascallos.^{[Cómpre referencia]} O bombardeo foi considerado unha das primeiras incursións aéreas na historia da aviación moderna contra unha poboación indefensa,^{[Cómpre referencia]} e foi denunciado como un acto terrorista,^{[Cómpre referencia]} a pesar de que Madrid fora bombardeada varias veces con anterioridade durante a guerra. O bombardeo inspirou o cadro máis famoso de Pablo Picasso, o Guernica.