Back Boulton Paul Aircraft German Boulton Paul Aircraft English Boulton Paul Aircraft Finnish Boulton Paul Aircraft French Boulton Paul Aircraft Italian ボールトンポール Japanese Boulton Paul Aircraft NB Boulton Paul Aircraft Swedish
| Boulton Paul Aircraft Limited | |
|---|---|
 | |
| Fundación | 1934 |
| Localización | Wolverhampton |
| Industria | aeronáutica |
| [ editar datos en Wikidata ] | |
Boulton Paul Aircraft Limited foi un construtor aeronáutico británico fundado no ano 1934, aínda que as súas orixes na fabricación de avións remóntanse a 1914. A compañía principalmente fabricaba e modificaba avións baixo contratos doutros fabricantes, aínda que tivo uns poucos deseños propios destacables, como o caza Defiant fighter e o adestrador Balliol.
As orixes da compañía atópanse nunha ferretería fundada en 1797 en Norwich. A principios dos anos 1900 Boulton & Paul Ltd era unha exitosa compañía de fabricación en xeral cunha división de enxeñería. Comezou a fabricar aeronaves por contrato durante a primeira guerra mundial antes de comezar a deseñar e construír os seus propios avións.
O negocio de construción de aeronaves vendeuse en 1934, nun momento baixo do mercado da aviación, e posteriormente moveuse a Wolverhampton baixo o seu novo nome Boulton Paul Aircraft Ltd en 1936 para aproveitarse da man de obra local cualificada e dos incentivos do goberno local.
En 1961 Boulton Paul Aircraft fabricaba equipamento para avións en vez de aeronaves e fusionouse co Dowty Group.