British Midland International

British Midland International
IATA BD	OACI BMA	Indicativo MIDLAND
Fundación		1938 (como Air Schools Limited)
Fin das operacións		27 de outubro do 2012 (fusionada con British Airways)
Aeroporto principal		Aeroporto de Londres-Heathrow
Alianza		Star Alliance (2000-2012)
Subsidiarias		Bmibaby, BMI Regional
Frota		27 (antes de pasar a BA)
Destinos		35
Eslogan da compañía		Better for business
Sede

British Midland Airways Limited (comercializada ao longo da súa historia con varios nomes como British Midland, BMI British Midland, BMI ou British Midland International) foi unha aeroliña británica coa súa sede en Donington Hall, preto do aeroporto de East Midlands. A compañía realizaba voos a destinos en Europa, Oriente Medio, África e Asia central dende a súa base operacional no Aeroporto de Londres-Heathrow, onde no seu momento de máxima actividade ocupaba o 11% dos slots de aterraxes e engalaxes e operaba ao redor de 2.000 voos por semana. BMI foi membro de Star Alliance dende o 1 de xullo de 2000 ata o 20 de abril de 2012.

Foi mercada a Lufthansa polo International Airlines Group (IAG) o 20 de abril do ano 2012 e fusionouse con British Airways o 27 de outubro dese ano. As súas subsidiarias Bmibaby e BMI Regional tamén foron mercadas, aínda que IAG non desexaba conservalas.^[1] BMI Regional foi vendida a Sector Aviation Holdings en maio de 2012 e contina operando, mentres que Bmibaby desapareceu en setembro dese ano.

British Midland Airways Limited tiña unha licenza operacional da Civil Aviation Authority (CAA) de tipo A, que lle permitía transportar pasaxeiros, carga e correo en avións con 20 ou máis asentos.^[2]

1. ↑ Lufthansa (ed.). "Lufthansa and IAG sign purchase agreement for the sale of British Midland Ltd.". Arquivado dende o orixinal o 20 de decembro de 2016. Consultado o 2 de decembro de 2016. 
2. ↑ Civil Aviation Authority (ed.). "Operating Licence Holders". Consultado o 2 de decembro de 2016.