Back Wêreldtydrenkampioenskap Afrikaans بطولة العالم للراليات Arabic Campeonatu Mundial de Rally AST Dünya Ralli Çempionatı Azerbaijani Световен рали шампионат Bulgarian Campionat Mundial de Ral·lis Catalan Mistrovství světa v rallye Czech Rallye-Weltmeisterschaft German Παγκόσμιο Πρωτάθλημα Ράλλυ Greek World Rally Championship English
 | Este artigo (ou sección) está desactualizado(a). A información fornecida mudou ou é insuficiente. |
| ||
| Tipo | international rally championship series (en)   | |
|---|---|---|
| Organizador | Federación Internacional do Automóbil | |
| Localización e Datas | ||
| Vixencia | 1973 – | |
| Outro | ||
| Páxina web oficial | wrc.com | |
     | ||
O Campionato do Mundo de Rally, (FIA World Rally Championship en inglés, abreviado WRC) é unha competición de rally que se organiza anualmente dende 1973 pola FIA e que se disputa en diferentes países do mundo combinando probas de rally en diferentes superficies, culmina cun campión de pilotos e de construtores. O campionato mundial de pilotos e o campionato mundial de construtores son campionatos separados, pero baséanse no mesmo sistema de puntos. A serie consta actualmente de 13 carreiras de tres días conducidos en superficies que van desde grava e asfalto ata neve e xeo. Cada rally divídese en 15-25 etapas especiais que se corren contra o reloxo en estradas pechadas.
O WRC creouse a partir de rallyes internacionais coñecidos e populares, a maioría dos cales formaran previamente parte do Campionato Europeo de Rally ou do Campionato Internacional de Construtores, e a serie disputouse por primeira vez en 1973. O World Rally Car é o nome actual da serie. Desenvolveuse a partir de autos Grupo A que substituíron os superdeportivos prohibidos Grupo B. Os World Rally Cars están fabricados sobre coches de produción de catro cilindros e 1.6 litros, pero contan con sistemas turbocompresor, anti-lag, catro rodas motrices, caixa de cambios secuencial, partes aerodinámicas e outras melloras que elevan o prezo dun automóbil WRC a ao redor de 700.000 euros (£ 500.000).[1]
Desde a tempada 2013 este campionato ten novas categorías, xa que se creou o Campionato Mundial de Rally 2 (World Rally Championship 2 en inglés ou WRC 2), que era o Campionato Mundial de Rally Super 2000 e ao cal integróuselle o Grupo N do Campionato Mundial de Rally de Automóbiles de Produción. Adicionalmente, este último cambiou de nome a Campionato Mundial de Rally 3 (World Rally Championship 3 en inglés ou WRC 3) e é só para automóbiles de tracción dianteira. Finalmente, a Academia WRC cambiou de nome a Campionato Mundial Júnior (Junior WRC en inglés).[2]
- ↑ "What is WRC? – The cars". WRC.com. Arquivado dende o orixinal o 03 de xullo de 2009. Consultado o 2008-08-28.
- ↑ "WRC 2013: 10 motivos para no perdértelo". WRC.com. 31 de decembro de 2012. Arquivado dende o orixinal o 18-10-2019. Consultado o 11 de marzo de 2015.