Carolina (nome)

Carolina^[1][2] é un nome propio feminino galego. Procede do xermánico Karl (home nas linguas nórdicas), latinizado como Carolus que tamén dá orixe á variante masculina Carlos. Nun principio significaba home libre mais despois pasou a designar o cargo de mestre ou mordomo do pazo entre os reis francos. Cando o poder destes mordomos medrou, Karl pasou a ser un título e, finalmente, chegou a ser nome propio.^[3] En galego tamén ten as variantes Carlota e Carla, e o hipocorístico Carola.^[2]

En xaneiro de 2023 existían 3.264 mulleres en Galicia co nome Carolina, cunha media de idade de 33,2 anos,^[4] 2.424 co nome Carlota, cunha media de idade de 18,3 anos,^[5] 5.713 co nome Carla, cunha media de idade de 17,6 anos^[6] e 38 co nome Carola, cunha media de idade de 23,8 anos.^[7]

1. ↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017. 
2. ↑ ^{2,0 2,1} Boullón Agrelo, A. I. (coord.) (2022). "Carolina". Guía de nomes galegos. A Coruña: Real Academia Galega. <https://academia.gal/nomes>. 
3. ↑ "Ímoslle chamar da Xunta de Galicia a través de www.lingua.gal" (PDF). Arquivado dende o orixinal (PDF) o 04 de marzo de 2018. Consultado o 15 de setembro de 2015. 
4. ↑ Nome Carolina na Web do Instituto Galego de Estatística
5. ↑ Nome Carlota na Web do Instituto Galego de Estatística
6. ↑ Nome Carla na Web do Instituto Galego de Estatística
7. ↑ Nome Carola na Web do Instituto Galego de Estatística