Cimeria (continente)

Historia tectónica de Cimeria

1. Cimeria separouse á deriva desde as costas do nordeste de Gondwana hai uns 250 Ma.^[1]

2. A media que Cimeria migrou desde Gondwana a Eurasia o pechouse Paleo-Tetis e abriuse o Neo-Tetis.^[2]

3. 150 millóns de anos despois Cimeria colisionou con Eurasia e a oroxenia cimérica pechou o Paleo-Tetis. A medida que empezou a rotura de Gondwana no sur, a apertura do océano Índico iniciou o peche do Neo-Tetis.^[1]

Cimeria foi un antigo continente, ou, probablemente, un conxunto de microcontinentes ou terreos aliñados, que se moveron á deriva desde Gondwana no hemisferio sur e acabaron chocando e acrecionándose con Eurasia no hemisferio norte. Constaba de partes do que hoxe son Turquía, Irán, Afganistán, o Tíbet, Shan–Thai e península de Malaisia.^[3] Cimeria empezou a separarse das costas de Gondwanan do Océano Paleo-Tetis durante o Carbonífero ou inicios do Permiano e a medida que se abría detrás del o océano Neo-Tetis, durante o Permiano, o Paleo-Tetis foise pechando por diante de Cimeria.^[4] Cimeria separouse á deriva de Gondwana do leste ao oeste, desde Australia ao leste do Mediterráneo.^[5] Como era moi alongada, Cimeria estendíase ao longo dun amplo intervalo de lonxitudes, latitudes e zonas climáticas.^[6]

1. ↑ ^{1,0 1,1} Reconstrución de Dèzes 1999, p. 16
2. ↑ Reconstrución de Stampfli & Borel 2002, p. 27
3. ↑ Scotese & McKerrow 1990, pp. 4, 5, 17
4. ↑ Golonka 2007, p. 182
5. ↑ Stampfli & Borel 2002, pp. 24, 28
6. ↑ Metcalfe 2002, p. 556