Club Balonmano Cantabria

Teka Cantabria
Entrada para o partido de volta da final da Recopa en La Albericia entre o Cantabria e o TBV Lemgo (27 de abril de 1996).
Nome completo	Club Balonmano Teka Cantabria
Cidade	Santander, España
Historia	1975-2008
Fundado	1975
Disolto	2008
Pavillón	Pavillón de La Albericia (4 000 espectadores)
Presidente	Pedro Ruiz
Adestrador	Juan Domínguez
Títulos
Copa de Europa	1993-94
Copa EHF	1992-93
Recopa de Europa	1989-90 e 1997-98
Liga ASOBAL	1992-93 e 1993-94
Copa do Rei	1988-89 e 1994-95
Copa ASOBAL	1990-91, 1991-92, 1996-97 e 1997-98
Supercopa de España	1992-93 e 1994-95
Mundial de Clubs	1996-97
Cores	Azul e branco
Local Visitante

O Club Balonmano Cantabria (1975-2008) foi un equipo de balonmán da cidade de Santander (Cantabria). Foi fundado en 1975 co nome de Grupo Deportivo Teka Santander, herdeiro do club La Salle Authi de Los Corrales de Buelna. Foi un dos clubs máis laureados de España e de Europa. Debido a problemas económicos, mudou a súa denominación en 1995, baixo o patrocinio de Caja Cantabria, que abandonou o seu patrocinio en 1999, adoptando o club o nome de Club Balonmano Cantabria e volvendo a Teka, denominándose o equipo Teka Cantabria ata a súa desaparición no ano 2008, tras un breve período no que foi propiedade do Racing de Santander.^[1][2]

A nivel nacional participou na Liga ASOBAL dende a súa fundación en 1990 pola Asociación de Clubs Españoles de Balonmano (ASOBAL) ata a súa desaparición. A Liga ASOBAL foi a herdeira da antiga liga española de balonmán que, entre 1958 e 1990, e coa denominación de División de Honra, organizou a Federación Española de Balonmano. En total, o club participou en 18 ocasións na máxima categoría, gañando o título en dúas ocasións (1992-93 e 1993-94). Ademais adxudicouse outros títulos nacionais como a Copa do Rei e a Supercopa de España, ambas en dúas ocasións, ou a Copa ASOBAL, que gañou catro veces. A nivel internacional conquistou nunha ocasión a máxima competición europea de balonmán entre clubs, a Copa de Europa, así como o Campionato Mundial de Clubs, a Recopa de Europa en dúas ocasións, ou a Copa EHF.

A nivel individual destacou Talant Dujshebaev, xogador do club dende 1992 a 1997 e que foi nomeado en dúas ocasións Xogador do Ano da IHF, ademais de adxudicarse ao longo da súa carreira numerosos títulos nacionais e internacionais. Durante a maior parte da súa historia, o club xogou no Pavillón de La Albericia, aínda que tamén nas súas últimas tempadas disputou partidos no Palacio de Deportes de Santander, que dispuña de maior capacidade que o anterior.

1. ↑ Erro na cita: Etiqueta <ref> non válida; non se forneceu texto para as referencias de nome fin
2. ↑ "El Racing de Santander deja de gestionar al Cantabria". As (en castelán). 14 de agosto de 2003. Consultado o 10 de decembro de 2017.