Cnidarios

Cnidarios Rango fósil: Neoproterozoico – actualidade
Anemone de mar (Actiniaria)
Clasificación científica
Dominio: Eukaryota Reino: Animalia Subreino: Eumetazoa Superfilo: Radiata Filo: Cnidaria Hatschek, 1888
Subfilos e Clases [1]
Subfilo Anthozoa Subfilo Medusozoa Clase Cubozoa Clase Hydrozoa Clase Scyphozoa Clase Staurozoa Clase Myxozoa Clase Polypodiozoa

Os cnidarios (Cnidaria, do grego antigo κνίδη knídē, 'ortiga') son un filo que agrupa arredor de 10.000 especies de animais relativamente simples,^[2] que viven exclusivamente en ambientes acuáticos, maioritariamente mariños. O nome deste filo é debido a unha característica diagnóstica que presentan estes animais: a existencia dunhas células chamadas cnidocitos, presentes nos tentáculos de todos os membros do filo e é inxectada ás presas cando rozan o cnidocilio do cnidocito.^[3] Durante un tempo chamáronse tamén celentéreos.

Teñen simetría radial e o seu plan corporal é en forma de saco. Son os animais máis simples que presentan células nerviosas e órganos dos sentidos (estatocistos, ocelos). Son un grupo antigo, cunha larga historia fósil que se remonta, probablemente, á fauna de Ediacara, arredor duns 600 millóns de anos atrás. Dentro deste grupo están animais como os pólipos, as medusas ou os corais.

1. ↑ Clases de Medusozoa baseadas en The Taxonomicon - Taxon: Subphylum Medusozoa.Universal Taxonomic Services Arquivado 11 de marzo de 2009 en Wayback Machine.
2. ↑ Zhang, Z.-Q. (2011). "Animal biodiversity: An introduction to higher-level classification and taxonomic richness" (PDF). Zootaxa 3148: 7–12. 
3. ↑ Hinde, R. T. (1998): Capítulo "The Cnidaria and Ctenophora" in Anderson, D. T. (ed.) Invertebrate Zoology. Oxford University Press. ISBN 0-19-551368-1, pp. 28–57.