Conall Gulban

Conall Gulban

Biografía
Nacemento	valor descoñecido
Morte	c. 464
Actividade
Ocupación	monarca
Familia
Familia	Uí Néill (pt)
Fillos	Fergus 'Cendfota' (?), Dauí (?)
Pai	Niall dos Nove Reféns
Irmáns	Eógan mac Néill Coirpre mac Néill

Conall Gulban, finado en c. 464 foi un rei irlandés e devanceiro epónimo de Cenél Conaill, que fundou o reino de Tír Chonaill no século V, o cal abranguía o territorio actual do condado de Donegal en Ulster. Era o fillo de Niall Noígiallach.^[1]

O seu nome Gulban deriva de Benn Ghulbain no condado de Sligo, dende onde os fillos de Niall comezaron a súa conquista de Aileach.^[2] O rei Conall Gulban foi asasinado polo Masraige en Magh Slécht (que se atopa no oeste do actual condado de Cavan) en 464, un venres.^[3] Foi enterrado por Caillín en Fenagh, County Leitrim.^[4] É importante na historia da Irlanda cristiá por ser o primeiro nobre en ser bautizado por Patricio de Irlanda, o que permitiu a conversión das clases dirixentes de Irlanda.

Aparece como convidado e compañeiro de Caílte mac Rónáin, un dos Fianna principais en Acallam na Senórach, que sobreviviu ó cristianismo e relata os contos dos Fianna e significado dos topónimos ó acabado de chegar San Patricio. Caílte fai a mesma función con Conall en Tír Conaill e descobre os tesouros dos Fianna en diversas tumbas megalíticas nas súas viaxes.

Aparentemente era moi achegado a Eógan mac Néill, quen morreu o ano seguinte de pesar pola morte do seu irmán.^[5]

Entre os seus fillos están Fergus Cendfota, Dauí (fundadron de Cenél nDuach) e Énna Bogaine (fundador de Cenél mBogaine).

1. ↑ Francis J.Byrne, Irish Kings and High-Kings, Table 1
2. ↑ Byrne, pg.84
3. ↑ 'Flannacán mac Cellaig rí Breg hoc carmen. His poem on the death of some Irish heroes', de Kathleen Mulchrone, en "Journal of Celtic Studies", Vol I (1949-50), pp. 80-93, stanza 22.
4. ↑ Annals of the Four Masters, M464.3
5. ↑ Annals of the Four Masters, M465.3