David Lynch

David Lynch

Biografía
Nacemento	(en) David Keith Lynch 20 de xaneiro de 1946 Missoula, Estados Unidos de América
Morte	15 de xaneiro de 2025 (78 anos) Os Ánxeles, Estados Unidos de América
Causa da morte	Enfisema pulmonar
Presidente do xurado do Festival de Cannes
← Liv Ullmann – Patrice Chéreau →
Datos persoais
Residencia	Sunset Boulevard (pt)
Educación	Universidade George Washington Francis C. Hammond Middle School (en) Corcoran College of Art and Design (en) AFI Conservatory (en) Academia de Belas-Artes da Pensilvânia (pt) School of the Museum of Fine Arts (en)
Altura	180 cm
Actividade
Campo de traballo	Filme, dirección de cine, guión cinematográfico e Produción de cinema
Ocupación	director de cinema, escritor, fotógrafo, produtor de cinema, actor de cinema, realizador, compositor de cancións, produtor, director de fotografía, músico, artista visual, actor de televisión, compositor, guionista, actor, letrista, actor de dobraxe, pintor, animador, montador, guionista de cinema
Período de actividade	1967 - 2025
Partido político	Partido Demócrata
Membro de	Writers Guild of America, West
Xénero artístico	Cinema dramático, Neo-noir, Cinema de terror, cinema de suspense psicolóxico, filme de suspense, cinema de terror psicolóxico, cinema surrealista, filme independente, cinema experimental e Surrealismo
Movemento	Surrealismo
Obra
Obras destacables (1977) Eraserhead (1980) The Elephant Man (1986) Veludo Azul (pt) (1992) Twin Peaks: Fire Walk with Me (pt) (1997) Estrada Perdida (pt) (2001) Mulholland Drive
Familia
Cónxuxe	Emily Stofle (2009–2023), divorcio Mary Sweeney (2006–2007), divorcio Mary Fisk (1977–1987), divorcio Peggy Reavey (1967–1974), divorcio
Parella	Isabella Rossellini (1986–1991)
Fillos	Jennifer Lynch  () Peggy Reavey Austin Jack Lynch  () Mary Fisk Riley Sweeney Lynch  () Mary Sweeney Lula Boginia Lynch  () Emily Stofle
Pais	Donald Lynch   e Sunny Lynch
Irmáns	Martha Lynch Levacy John Lynch
Premios
(2020)  Gran Premio Honorífico (2020)  Óscar Honorífico (1 de outubro de 2007)  Oficial da Lexión de Honra (2006)  León de Ouro (2006)  León de Ouro pola carreira (2002)  Cabaleiro da Lexión de Honra (2001)  Premio do Festival de Cannes ao mellor director, premiado polo traballo Mulholland Drive (1999)  European Film Award for Best Non-European Film (en) , premiado polo traballo Unha historia verdadeira (1993)  Premios Saturn (1990)  Palma de Ouro, premiado polo traballo Wild at Heart (1982)  Premios César (1982)  César ao mellor filme estranxeiro, premiado polo traballo The Elephant Man  Goslarer Kaiserring (en)  Eagle Scout
Sinatura
Voz: David Lynch (lingua inglesa)
Descrito pola fonte	UbuWeb Obálky knih,

David Keith Lynch, nado en Missoula (Montana) o 20 de xaneiro de 1946 e finado nos Ánxeles o 15 de xaneiro de 2025,^[1] coñecido como David Lynch, foi un director de cine estadounidense. A súa actividade artística estendeuse así mesmo ó terreo da pintura, a música, a fotografía e incluso o deseño de mobiliario. Foi descrito por The Guardian como "o director máis importante desta época".^[2] AllMovie chamouno "o home do renacemento do cinema moderno estadounidense",^[3] mentres que o éxito dos seus filmes puxéronlle a etiqueta de "o primeiro surrealista popular".^[4]

Debutou no cinema co filme surrealista de terror Eraserhead, ao que seguiron The Elephant Man e Dune, que foi un fracaso de público e crítica. Tras o filme neo-noir Veludo azul, creou xunto con Mark Frost a serie de televisión Twin Peaks. Á parte do filme familiar Unha historia verdadeira, dirixiu filmes que seguían unha estrutura narrativa non linear. Na actualidade algúns dos seus proxectos cinematográficos e de animación son só accesibles a través da súa páxina web de pagamento.^[5]

As súas películas tenden a describir pequenas comunidades dos Estados Unidos, como o caso de Twin Peaks ou Veludo azul. Lynch sente tamén predilección polos segredos ocultos dos barrios periféricos dos Ánxeles, retratados en Lost Highway e Mulholland Drive. O son nas súas películas é de grande importancia e por iso cada banda sonora é traballada con esmero. O responsable de conseguir que ese son resulte tan especial é o compositor Angelo Badalamenti, colaborador habitual do director, creador entre outras da banda sonora da serie de televisión Twin Peaks ou da inquietante e perturbadora Lost Highway. Recoñecido admirador de Jacques Tati, Ingmar Bergman ou Werner Herzog,^[6] Lynch conseguiu destacarse como un director cun estilo persoal, e constitúe un referente no cine contemporáneo. Veludo azul e Mulholland Drive foron considerados amplamente pola crítica entre os mellores das súas respectivas décadas.^[7][8]

1. ↑ https://www.hollywoodreporter.com/movies/movie-news/david-lynch-blue-velvet-mulholland-drive-1236110711/
2. ↑ "40 best directors". Londres: The Guardian Online. 2007. Arquivado dende o orixinal o 27 de xullo de 2007. Consultado o 29 de novembro de 2010. 
3. ↑ Ankeny, Jason. "David Lynch: Biography". AllMovie. Consultado o 29 de novembro de 2010. 
4. ↑ Pauline Kael, citada en Lynch and Rodley 2005. p. xi.
5. ↑ "www.DavidLynch.com". Arquivado dende o orixinal o 03 de marzo de 2008. Consultado o 03 de setembro de 2007. 
6. ↑ Lynch and Rodley 2005. p. 62.
7. ↑ "David Lynch's Acclaimed Films". They Shoot Pictures, Don't They. Consultado o 3 de novembro de 2016. 
8. ↑ "Film Critics Pick the Best Movies of the Decade". Metacritic. 3 de xaneiro de 2010. Arquivado dende o orixinal o 16 de agosto de 2017. Consultado o 3 de novembro de 2016.