Duty Free Shoppers

Duty Free Shoppers DFS Group
Área de operación	Global
Data de fundación	7 de novembro de 1960
Fundador(es)	Charles Feeney, Robert Warren Miller
Director/a	Benjamin Vuchot
Nº de empregados	máis de 9.000
En	Hong Kong
País	Irlanda / EUA; A sede actual está situada en Hong Kong
Na rede
www.dfs.com
[ editar datos en Wikidata ]

As tendas libres de impostos^[1] -en inglés duty-free shops- son comercios retallistas que non aplican impostos nin taxas nacionais coa esixencia de que os seus produtos sexan vendidos a aqueles viaxeiros que os levarán fóra do país. Adoitan atoparse na área internacional de aeroportos, portos ou a bordo de avións e barcos de pasaxeiros.^[2][3] Non é común atopar un para os viaxeiros que usan o transporte ferroviario ou por estrada, aínda que moitos pasos fronteirizos entre os Estados Unidos e Canadá teñen tendas deste tipo para os viaxeiros que viaxan en coche.

Nalgúns países, as tendas poden participar nun sistema de reembolso turístico. Neste caso, os clientes pagan o prezo total, pero unha vez que cheguen á zona de tránsito internacional poderán recuperar o importe das taxas aplicadas.

Estes privilexios foron suprimidos para viaxes dentro da Unión Europea (UE) en 1999, pero mantéñense para os viaxeiros cuxo destino final está fóra da UE. Algúns territorios especiais dalgúns Estados membros, como Åland, Livigno ou Canarias, a pesar de formaren parte da UE, están fóra da súa unión fiscal, polo que poden ofrecer produtos libres de impostos a todos os viaxeiros.

1. ↑ "Axencia Tributaria: Cuestións específicas sobre as compras de viaxeiros non residentes en España (UE)". sede.agenciatributaria.gob.es. Consultado o 2024-06-25. 
2. ↑ "And the world's most lucrative airports are ...". web.archive.org; CNNGo.com. 2012-06-17. Arquivado dende o orixinal o 17 de xuño de 2012. Consultado o 2024-06-25. 
3. ↑ "Duty-free-store". www.aeroportolisboa.pt. Consultado o 2024-06-25.