Emma Watson

Emma Watson

(2013)
Biografía
Nacemento	(en) Emma Charlotte Duerre Watson 15 de abril de 1990 (34 anos) Marais, Francia (pt)
Residencia	Nova York (2019–)
Educación	Worcester College (en) (2011–2012) Universidade Brown - literatura inglesa (2009–2014) Dragon School (–2003) Headington School (pt) Stagecoach Theatre Arts (pt) Ermitage International School (en)
Altura	165 cm
Cor dos ollos	Castaño escuro
Cor do pelo	Cabelo loiro escuro
Actividade
Ocupación	modelo, actriz de dobraxe, actriz, modelo, actriz infantil, actriz de teatro, activista, actriz de cinema, directora de cinema
Período de actividade	1999 -
Compañeiro profesional	Tom Felton
Obra
Obras destacables (2001-2011) Harry Potter (2012-2012) The Perks of Being a Wallflower (2014-2014) Noah (2017) Beauty and the Beast (2020-2019) Little Women
Familia
Parella	Johnny Simmons (2011–2011) George Craig (2010–2010)
Premios
(2011)  Teen Choice Award for Choice Summer Movie Star: Female (en) , premiado polo traballo Harry Potter e as reliquias da morte (2011)  Teen Choice Award for Choice Movie: Liplock (en) , premiado polo traballo Harry Potter e as reliquias da morte (2011)  Teen Choice Award for Choice Movie Actress - Sci-Fi/Fantasy (en) , premiado polo traballo Harry Potter e as reliquias da morte (2002)  Young Artist Award for Best Leading Young Actress in a Feature Film (en) , premiado polo traballo Harry Potter e a pedra filosofal
Sinatura
Descrito pola fonte	Obálky knih,
Sitio web	emmawatsonofficial.com

Emma Charlotte Duerre Watson, nada o 15 de abril de 1990 en París, Francia, é unha actriz e activista inglesa. É coñecida pola súa participación en producións cinematográficas de éxito mundial e filmes independentes, así como pola súa loita a favor dos dereitos da muller. O longo da súa traxectoria recibiu diversos premios e recoñecementos, entre os que destacan un Premio Young Artist e tres MTV Movie Awards. Segundo as revistas Forbes e Vanity Fair, Watson atópase entre as actrices mellor pagadas do mundo, e en 2015 a revista Time incluíuna entre as 100 persoas máis influentes do mundo dese ano.^[1][2][3]

Watson acudiu á Dragon School e recibiu formación de interpretación na Stagecoach Theatre Arts de Oxford.^[4] Acadou recoñecemento internacional sendo aínda unha nena cando conseguiu o seu primeiro papel profesional interpretando a Hermione Granger na serie de filmes de Harry Potter, cando daquela só tiña experiencia en obras de teatro escolares. Tamén protagonizou en 2007 a adaptación televisiva da novela Ballet Shoes e puxo a súa voz no filme The Tale of Despereaux (2008). Despois de finalizar a saga de Harry Potter, entre 2011 e 2014, Watson compaxinou o seu tempo entre o cinema e continuar os seus estudos, graduándose en literatura inglesa en maio de 2014 pola Universidade Brown. Ese mesmo ano, foi "embaixadora de boa vontade" na axencia ONU Mulleres e axudou a lanzar a campaña HeForShe, que loita pola igualdade de xénero. En 2018, axudou no proxecto Time's Up UK como fundadora. Watson tamén participou no órgano consultor para o G7 polos dereitos das mulleres en 2019, falando con líderes sobre política exterior.

Watson tamén traballou como modelo en campañas para Burberry e Lancôme. Ademais, puxo o seu nome a unha liña de roupa sostíbel para a marca People Tree. En 2020, uniuse ao cadro de directores de Kering, unha marca de luxo na que avoga pola moda sostíbel.

1. ↑ Abramson, Jill (15 de abril de 2015). "Emma Watson by Jill Abramson: TIME 100". TIME. Arquivado dende o orixinal o 27 de novembro de 2020. Consultado o 7 de marzo de 2022. 
2. ↑ "Emma Watson is named Hollywood's highest paid female actor". The Guardian. 10 de febreiro de 2010. Consultado o 28 de decembro de 2020. 
3. ↑ "Emma Watson: $14 million". Consultado o 28 de decembro de 2020. 
4. ↑ Reece, Damian (4 de novembro de 2001). "Harry Potter drama school to float". The Daily Telegraph (Reino Unido). Arquivado dende o orixinal o 16 de outubro de 2010. Consultado o 8 de marzo de 2010.