Eneas

Eneas

Nome orixinal	(la) Aeneas (grc) Αινείας
Biografía
Actividade
Ocupación	líder militar
Carreira militar
Lealdade	Troia
Conflito	Guerra de Troia Rutulian War (en)
Familia
Cónxuxe	Lavinia Creúsa
Parella	Dido
Fillos	Ascanio  () Creúsa Anthemone  () Creúsa Silvio  () AscanioLavinia Etia  () Creúsa Aemilia  () Lavinia
Pais	Anquises   e Afrodita
Descrito pola fonte	Dicionario Enciclopédico Brockhaus e Efron The New Student's Reference Work Encyclopædia Britannica

O heroe mitolóxico Eneas descendía da raza de Dárdano e, polo tanto, descendente do propio Zeus,^[1] fillo do príncipe Anquises e Afrodita (Venus, na mitoloxía romana)^[2]. Figura importante da literatura grega e da romana, na Ilíada foi, xunto cos fillos de Antenor, o dirixente do continxente dárdano -ó sur de Troia- que axuda os troianos na súa defensa contra os aqueos. É o mellor guerreiro despois de Heitor, e, sobre todo, é un favorito dos deuses, que o salvan en situacións de perigo, se ben en todo caso só acadará relevancia trala caída de Troia ^[3].

Casou con Creúsa, filla de Príamo, coa cal tivo un fillo, Ascanio, Iulo ou Iulus.

Ante a derrota dos troianos, Eneas fuxiu da cidade e, tras diferentes aventuras, estableceuse en Italia, dando lugar á orixe mítica do pobo romano: os fundadores de Roma, Rómulo e Remo, foron descendentes seus.

1. ↑ Anquises era fillo de Capis (descendente de Dárdano) e Temiste.
2. ↑ Froito da relación que mantiveron na aba do monte Ida mentres Anquises pastoreaba o seu gando (Homero, Ilíada II, 823).
3. ↑ Elvira Barba, px. 457.