Back كأس التحدي الأوروبي 2010–11 Arabic European Challenge Cup 2010/11 German 2010–11 European Challenge Cup English European Challenge Cup 2010-11 Spanish Challenge européen 2010-2011 French European Challenge Cup 2010-2011 Italian Куп европских изазивача у рагбију 2010/11. Serbian
A tempada 2010-2011 da European Challenge Cup foi a 16ª edición da segunda competición continental do rugby europeo. Como viña sendo habitual nos últimos anos, 20 foron os equipos participantes, divididos en 5 grupos de 4, para afrontar a primeira fase da competición, que é a fase de grupos. Tralas 6 xornadas correspondentes a esta primeira fase, viñeron os cuartos de final e as semifinais, a partido único, e a final. A primeira xornada foi o día 8 de outubro do 2010, e a gran final foi o 20 de maio do 2011, disputouse no Cardiff City Stadium de Cardiff (Gales) un día antes da gran final da Heineken Cup, que se xogou na mesma cidade, mais noutro estadio, o Millennium Stadium.
O equipo que defendía este ano o título obtido na anterior tempada era Cardiff Blues, que o ano anterior acadara por 1ª vez o título de campión, vencendo na final a RC Toulon.
Este ano Francia achegou 7 equipos ó torneo, Inglaterra 6, Italia 4, Irlanda 1, Romanía 1 e España 1.
O club español que participou esta tempada na European Challenge Cup foi o Club de Rugby El Salvador de Valladolid como campión da Liga Española de rugby na tempada 2009/10.