Eyes Wide Shut | |
---|---|
Logo do filme. | |
Ficha técnica | |
Título orixinal | Eyes Wide Shut |
Director | Stanley Kubrick |
Produtor | Stanley Kubrick |
Guión | Stanley Kubrick Frederic Raphael |
Baseado en | Traumnovelle de Arthur Schnitzler |
Intérpretes | |
Música | Jocelyn Pook |
Fotografía | Larry Smith |
Montaxe | Nigel Galt |
Estudio | Pole Star Hobby Films |
Distribuidora | Warner Bros. |
Estrea | 16 de xullo de 1999 10 de setembro de 1999 |
Duración | 159 minutos[1] |
Orixe | Estados Unidos Reino Unido[2] |
Xénero | Drama |
Orzamento | $65 000 000[3] |
Recadación | $162 100 000[3] |
Na rede | |
http://eyeswideshut.warnerbros.com/ | |
Eyes Wide Shut é un filme británico-estadounidense de 1999, dirixido, producido e coescrito por Stanley Kubrick. Baséase na novela Traumnovelle, escrita en 1926 por Arthur Schnitzler. É un drama psicolóxico de misterio e erótico que conta as aventuras sexuais do doutor Bill Harford, quen queda moi impactado cando a súa muller Alice lle revela que pensara en ter unha aventura o ano anterior. O doutor Harford comeza unha aventura nocturna, durante a cal se infiltra nunha orxía enmascarada levada a cabo por unha sociedade secreta sen nome.
Kubrick obtivo os dereitos da rodaxe de Traumnovelle na década de 1960, considerando o texto como perfecto para unha adaptación sobre as relacións sexuais. Reviviu o proxecto na década de 1990 cando contratou ao guionista Frederic Raphael para que o axudase na adaptación. O filme, que foi maioritariamente rodado no Reino Unido, conta cunha detallada recreación do exterior da rúa Greenwich Village, a cal foi desenvolvida en Pinewood Studios. A produción do filme, de 400 días, ten o récord Guinness do mundo como a máis longa rodaxe continua dun filme.