Fase G1

A fase G₁ (onde G é a inicial da palabra inglesa gap, 'intervalo', ou growth, 'crecemento') é a primeira das catro fases do ciclo celular que ten lugar durante a división da célula eucariota. É o primeiro período da interfase, no cal a célula sintetiza ARN mensaxeiro e proteínas para funcionar e prepararse para a seguinte fase da mitose. A fase G₁ remata cando a célula pasa á fase S da interfase. A célula pasa aproximadamente o 30-40 % do tempo do ciclo celular na fase G₁.