Back Finestra antorbitària Catalan Fenestra antorbitalis German Antorbital fenestra English Fenêtre antéorbitaire French 前眼窩窓 Japanese 전안와창 Korean Fenestra antorbitalis Latin Okno przedoczodołowe Polish Fenestra anterorbital Portuguese Предглазничное окно Russian

Fiestra anteorbital

A fiestra anteorbital en relación con outras aberturas do cranio no dinosauro Massospondylus.

Unha fiestra anteorbital ou ventá anteorbital é unha abertura no cranio que se encontra diante da órbita ocular. Esta característica do cranio está fundamentalmente asociada cos arcosauros, e apareceu primeiro durante o Triásico. Entre os arcosauros existentes, as aves aínda posúen fiestras anteorbitais, mentres que os crocodilianos as perderon. A súa perda nos crocodilianos crese que está relacionada coas necesidades estruturais dos seus cranios para ter máis forza de trabada e para os comportamentos alimenticios que eles empregan.[1][2] Nalgunhas especies de arcosauros, a abertura pechouse pero a súa localización aínda está marcada pola existencia dunha depresión ou fosa, na superficie do cranio chamada fosa anteorbital.

A fiestra anteorbital alberga un seo paranasal que conflúe coa cápsula nasal adxacente.[3] Aínda que os crocodilianos pecharon as súas fiestras anteorbitais, aínda conservan un seo anteorbital.[3]

Nos dinosauros terópodos, a fiestra anteorbital é unha abertura no cranio. Sistematicamente, a presenza de fiestra anteorbital considérase unha sinapomorfía que reúne os terópodos tetanuros formando un clado. Ao contrario, a maioría dos dinosauros ornitisquios reducen e incluso pechan as súas fiestras anteorbitais,[3] como ocorre nos hadrosauros e nos dinosauros do xénero Protoceratops. Este peche distingue Protoceratops doutros dinosauros ceratopsios.[4]

  1. ↑ Preushscoft, H., Witzel, U. 2002. Biomechanical Investigations on the Skulls of Reptiles and Mammals. Senckenbergiana Lethaea 82:207–222.
  2. ↑ Rayfield, E.J., Milner, A.C., Xuan, V.B., Young, P.G. 2007. Functional Morphology of Spinosaur "Crocodile Mimic" Dinosaurs. JVP. 27(4):892–901.
  3. ↑ 3,0 3,1 3,2 Witmer, L.M. 1997. The Evolution of the Antorbital Cavity of Archosaurs: A Study in Soft-Tissue Reconstruction in the Fossil Record with an Analysis of the Function of Pneumaticity. JVP 17(1 supp):1–76.
  4. ↑ Martin, A.J. (2006). Introduction to the Study of Dinosaurs. Second Edition. Oxford, Blackwell Publishing. pg. 299-300. ISBN 1-4051-3413-5.
From Wikipedia, the free encyclopedia · View on Wikipedia

Developed by Nelliwinne