Back Кафка, Франц Abkhazian Franz Kafka Afrikaans Franz Kafka ALS ፍራንዝ ካፍካ Amharic Franz Kafka AN فرانس كافكا Arabic فرانتس كافكا ARY فرانز كافكا ARZ ফ্ৰান্জ কাফ্কা Assamese Franz Kafka AST
Franz Kafka, nado en Praga o 3 de xullo de 1883 e finado en Viena o 3 de xuño de 1924, foi un escritor en lingua alemá. Está considerado un dos maiores novelistas en alemán, e dos mellores escritores de historias curtas do século XX. A súa obra, das máis influentes da literatura universal,[1][2] é unha das pioneiras na fusión de elementos realistas con fantásticos[3] e ten como principais temas os conflitos paternofiliais, a ansiedade, o existencialismo, a brutalidade física e psicolóxica, a culpa, a filosofía do absurdo, a burocracia e as transformacións espirituais.
Escribio as novelas O proceso (Der Prozeß), Das Schloß (O castelo) e Amerika (ou Der Verschollene), a novela curta A metamorfose (Die Verwandlung) e un gran número de relatos curtos.[4] Ademais deixou unha abundante correspondencia e escritos autobiográficos.[5] O seu peculiar estilo literario foi comunmente asociado coa filosofía artística do existencialismo —ao que influíu— e o expresionismo. Os estudosos de Kafka discuten sobre como interpretar ao autor; algúns falan da posible influencia dalgunha ideoloxía política antiburocrática, dunha relixiosidade mística ou dunha reivindicación da súa minoría etnocultural, mentres outros se fixan no contido psicolóxico das súas obras. As súas relacións persoais tamén tiveron grande impacto na súa escritura, particularmente o seu pai (Carta ao pai), a súa prometida Felice Bauer (Cartas a Felice),[6] a súa irmá (Cartas a Ottla) e a súa amiga Milena Jesenská (Cartas a Milena).
Albert Camus, Jean-Paul Sartre, Jorge Luis Borges e Gabriel García Márquez atópanse entre os escritores influídos pola obra de Kafka. O termo kafkiano[7] úsase en galego para describir situacións insólitas, polo absurdas e angustiosas,[8] como as que se atopan nas súas obras e ten os seus equivalentes noutros idiomas. Só algunhas delas foron publicadas durante a súa vida; a maior parte, incluíndo traballos incompletos, foron publicadas polo seu amigo Max Brod, quen ignorou os desexos do autor de que os manuscritos fosen destruídos.
A maior parte dos seus traballos foron publicados postumamente. A súa forma de escribir segue sendo un desafío tanto para críticos coma para lectores, e os intentos de catalogar os seus traballos son xeralmente inadecuados.
- ↑ Miralles, Francesc (2000) "Franz Kafka". Océano Grupo Editorial, S.A. Barcelona. ISBN 84-494-1811-9
- ↑ Bloom, Harold (1994) "The Western Canon: The Books and School of the Ages". Harcourt Brace. ISBN 978-1-57322-514-4
- ↑ Spindler, William (1993). "Magical Realism: A Typology". Forum for Modern Language Studies XXIX (1). pp. 90–93. doi:10.1093/fmls/XXIX.1.75.
- ↑ Kafka, Franz (2004) "Relatos completos" pp. 7 a 9. Editorial Losada. ISBN 84-933473-8-8
- ↑ Bibliografía en Kafka.org Arquivado 27 de outubro de 2014 en Wayback Machine.
- ↑ Rojo, José Andrés. «El amor insondable de Kafka y Felice.» 27 de noviembre de 2013. El País Consultado o 11 de xaneiro do 2023.
- ↑ Definicións no Dicionario da Real Academia Galega e no Portal das Palabras para kafkiano.
- ↑ "Who Was Kafka?". The Nation. ISSN 0027-8378. Consultado o 11 de xaneiro do 2023.