Gang of Four (grupo musical)

Gang of Four
Orixe	Leeds,
Período	1977 - 1983 1987 - 1997 2004 - 2020 2021 - presente
Xénero(s)	post-punk, funk rock, dance-punk
Selo(s) discográfico(s)	V2 Records, EMI, Warner Bros. Records, PVC/Jem, Fast Product
Membros	Jon King Hugo Burnham David Pajo Gail Greenwood
Antigos membros	Dave Allen Hugo Burnham Ambrose Nzams Sara Lee Busta "Cherry" Jones Andy Gill Mark Heaney Thomas McNeice
Na rede
gangoffour.co.uk

Gang of Four é unha banda inglesa de post-punk procedente de Leeds, no norte de Inglaterra. A formación orixinal estaba composta polo vocalista Jon King, o guitarrista Andy Gill, o baixista Dave Allen e o batería Hugo Burnham. A banda estivo activa dende 1977 ata 1983 e reuniuse dúas veces nos anos 90 con King e Gill. No 2004 a formación orixinal volvería a tocar, pero no 2006 Allen foi substituído no baixo por Thomas McNeice e Burnham na batería por Mark Heaney.

A banda toca unha mestura de punk rock, funk e dub reggae, facendo énfase nos problemas sociais e políticos. Gang of Four é amplamente considerada unha das principais bandas do movemento post-punk de finais dos 70 e principios dos 80. Nos seus álbums Songs of the Free e Hard suavizaron algunhas das súas cualidades máis discordantes, e aproximáronse cara ao dance-punk e a música disco. O seu disco de estrea, Entertainment!, foi coocado no posto 490 da lista da Rolling Stone dos "500 mellores álbums de todos os tempos" (na revisión da lista en 2012 pasaría ao posto 483)^[1], e foi listado por Pitchfork Media como o 8º mellor álbums dos 70^[2]. David Fricke, da Rolling Stone, describiu a Gang of Four como "probablemente a mellor banda con motivación política do rock & roll".^[3]

1. ↑ "500 Greatest Albums of All Time". Arquivado dende o orixinal o 08 de febreiro de 2013. Consultado o 20 de xaneiro de 2013. 
2. ↑ "Top 100 Albums of the 1970s". Arquivado dende o orixinal o 15 de abril de 2013. Consultado o 20 de xaneiro de 2013. 
3. ↑ David Fricke, Rolling Stone, 7 de agosto de 1980