Gong (grupo musical)

Gong
Gong en 2009
Orixe	París, Francia
Período	1967 - 1968 1969 - 1976 1977 1990 1992 - 2001 2003 - 2006 2007 - presente
Xénero(s)	rock progresivo, space rock, rock psicodélico, jazz rock
Selo(s) discográfico(s)	BYG Actuel, Charly, Musea, Snapper, Virgin
Membros	Fabio Golfetti Dave Sturt Ian East Kavus Torabi Cheb Nettles
Na rede
planetgong.co.uk

Gong é unha banda francesa de rock progresivo que incorpora elementos de jazz e space rock ao seu estilo musical.^[1] O grupo foi fundado en París en 1967 polo músico australiano Daevid Allen e a vocalista inglesa Gilli Smyth. Pola banda pasaron músicos como Didier Malherbe, Pip Pyle, Steve Hillage, Mike Howlett, Pierre Moerlen, Bill Laswell, Theo Travis, Don Cherry,^[2] Chris Cutler, Bill Bruford, Brian Davison, Dave Stewart e Tatsuya Yoshida.

O álbum de estrea de 1970 de Gong, Magick Brother, tiña un son de pop psicodélico.^[3] No ano seguinte lanzaron Camembert Electrique, cun son rock psicodélico/space rock co que se adoita a asocialos.^[4] Entre 1973 e 1974, Gong lanzou os seus mellores traballos, a alegórica triloxía Radio Gnome Invisible, que describía as aventuras de Zero the Hero, Good Witch Yoni e Pot Head Pixies do Planet Gong.

En 1975 Allen e Smyth deixaron a banda, que continuou sen eles lanzando unha serie de álbums de jazz rock baixo o liderado do batería Pierre Moerlen. Esta encarnación pasaría a coñecerse ao pouco tempo como Pierre Moerlen's Gong. Mentres tanto, Smyth formou Mother Gong mentres que Allen iniciou unha serie de grupos derivados, como Planet Gong, New York Gong e Gongmaison, antes de volver a liderar Gong en 1990 ata a súa morte en 2015. Co apoio de Allen, a banda decidiu continuar, lanzando o álbum Rejoice! I'm Dead! en setembro de 2016^[5] e The Universe Also Collapses en maio de 2019.^[6]

1. ↑ "The silliness ran deep in Gong, but they could groove like mothers, too". the Guardian (en inglés). 2016-08-25. Consultado o 2022-12-24. 
2. ↑ Lucky, Jerry. Progressive Rock. Burlington, Ontario: Collector's Guide Publishing, Inc., 2000. p.61
3. ↑ "Gong - Magick Brother". AllMusic (en inglés). Consultado o 2022-12-24. 
4. ↑ "Gong - Camembert Électrique". AllMusic (en inglés). Consultado o 2022-12-24. 
5. ↑ "Rejoice! I'm Dead! (Deluxe Edition), by Gong". Kscope (en inglés). Consultado o 2022-12-25. 
6. ↑ "The Universe Also Collapses, by Gong". Kscope (en inglés). Consultado o 2022-12-25.