Gran Premio de Australia de 1992

Gran Premio de Australia de 1992

Nome oficial	LVII Australian Grand Prix
Tipo	Gran Premio de Australia
Deporte	automobilismo
Parte de	Campionato Mundial de Fórmula 1 de 1992
Distancia do evento	81
Localización  e  Datas
Localización	Circuíto urbano de Adelaida (Adelaide (en) ) 34°55′50″S 138°37′14″L / -34.930466, 138.620609
País	Australia
Data	8 de novembro de 1992
Competición
Primeiro posto	Gerhard Berger
Pole position	Nigel Mansell
Volta máis rápida	Michael Schumacher

O Gran Premio de Australia de 1992 foi unha carreira de Fórmula 1 que se disputou o 8 de novembro de 1992 nun circuíto urbano na cidade de Adelaida. A carreira foi o 57º Gran Premio de Australia e o oitavo disputado no circuíto de Adelaida, que tamén o converteu no oitavo GP de Australia que formou parte do Campionato do Mundo de Fórmula Un. Foi a décimo sexta e última carreira do Campionato Mundial de Fórmula 1 de 1992.

O momento máis significativo foi unha colisión entre Ayrton Senna e Nigel Mansell cando o brasileiro intentou adiantar ao inglés, eliminando a ambos pilotos. Esta debía ser a última carreira de Fórmula 1 de Mansell antes de pasar a IndyCar, aínda que regresou brevemente en 1994 e 1995.

Martin Brundle (que pasou en 1993 a Ligier), o gañador da carreira Gerhard Berger (que regresou a Ferrari en 1993) e Riccardo Patrese (que se uniu a Benetton para 1993) estabann entre os moitos pilotos para quen esta foi a última carreira cos seus equipos actuais, mentres que para Jan Lammers, Stefano Modena, Maurício Gugelmin, Olivier Grouillard foi a última carreira da súa andaina na Fórmula 1. Tamén se rumoreaba que sería a última carreira de Ayrton Senna en Mcclaren, pero isto finalmente resultaría falso xa que o brasileiro permanecería co equipo en 1993.

Nicola Larini comezou esta carreira desde a parte posterior da grella. Jordan anotou o seu único punto da tempada con Stefano Modena, mentres que Thierry Boutsen (quen gañou aquí en 1989 anotou os seus únicos puntos da tempada 1992, e de feito os últimos puntos da súa carreira. O podio dobre de Benetton asegurou que anotasen puntos en cada rolda.

Esta foi a carreira final de McLaren cun motor Honda Racing F1 ata 2015. A compañía deixou de participar neste deporte logo desta carreira, aínda que o Mugen unha filial da compañía continuou. Regresaron en 2000 como fornecedores de motores a BAR. Para os equipos Dallara e March, esta foi a súa última aparición no deporte.