Granma (iate)

Para outros usos deste termo, véxase Granma.

Granma é unha embarcación adquirida en Tuxpan (Veracruz) de xeito clandestino por un grupo de exiliados cubanos dirixido por Fidel Castro, que formaban o Movemento do 26 de xullo. O barco foi comprado a unha empresa estadounidense e o nome Granma provén dun alcume común en inglés para unha avoa (abreviatura de "grandmother"). Este barco foi utilizado posteriormente por 82 membros da expedición deste movemento no desembarco con fins revolucionarios que encabezou Fidel Castro e entre os que participaron o Che Guevara, Raúl Castro, Camilo Cienfuegos, Juan Almeida Bosque e Ramiro Valdés, entre outros.^[1][2] Na madrugada do 25 de novembro de 1956, baixo a choiva o iate Granma comezou a navegar polas tranquilas augas do río Tuxpan, en México. O barco chegou ás costas orientais de Cuba o 2 de decembro de 1956 preto da praia de Las Coloradas no municipio de Niquero e marcou o inicio das loitas guerrilleiras que culminaron co triunfo da Revolución cubana, o 1 de xaneiro de 1959

Actualmente o barco está exposto no Memorial Granma anexo ao Museo da Revolución na Habana.^[3]

1. ↑ Fifty years on, Mexico town recalls young Castro, by Frank Jack Daniel, for Reuters. Publicado o 25 de novembro de 2006.
2. ↑ Roots of Cuban Revolution lie in the east. Vanessa Arrington, Associated Press July 2006. Consultado o 14 de xaneiro de 2007.
3. ↑ Heberto Norman Acosta: A toda máquina, rumbo a Cuba, en: Granma diciembre 2006, consultado 11 junio 2014