Greenwich Village

Greenwich Village

Tipo	barrio de Manhattan distrito barrio LGBT
Localización
División administrativa	Manhattan, Estados Unidos de América
40°44′01″N 74°00′10″O / 40.7336, -74.0028
Características
Altitude	6 m
Superficie	0,289 mi²
Lugar inscrito no Rexistro Nacional de Lugares Históricos
Tipo	distrito
Data	19 de xuño de 1979
Identificador	79001604

Greenwich Village /AFI: ˌgɹenɪʧ 'vɪlɪʤ/ é unha área residencial do lado oeste de Manhattan, en Nova York. O barrio limita coa rúa Broadway polo leste, co río Hudson polo oeste, coa rúa Houston polo sur e pola rúa 14 polo norte.

Orixinalmente, o barrio era un núcleo á parte, Groenwijck en holandés, convertida en vila oficialmente en 1712. En 1822, unha epidemia de febre amarela en Nova York provocou que os residentes se mudaran a Greenwich Village en busca de mellor ar.

En Greenwich Village áchase a rúa Christopher e a pousada Stonewall, onde se levaron a cabo as revoltas de Stonewall en 1969, que deron inicio ao movemento de liberación gai. O nome "Village" pronto se volveu un termo xenérico empregado para denominar a calquera barrio de tendencia homosexual (por exemplo, The Village People).

"The Village," como é chamado usualmente, tamén inclúe o campus principal da Universidade de Nova York (NYU).