Hemoglobina

Hemoglobina
(heterotetrámero, (αβ)2)
Estrutura da hemoglobina humana. Subunidades α e β en vermello e azul, respectivamente, e os grupos hemo que conteñen ferro en verde. De PDB 1GZX Proteopedia Hemoglobin
Tipo de proteína	metaloproteína, globulina
Función	transporte de oxíxeno
Cofactor(es)	hemo (4)
Nome da subunidade Xene Locus cromosómico Hb-α1 HBA1 Cr. 16 p13.3 Hb-α2 HBA2 Cr. 16 p13.3 Hb-β HBB Cr. 11 p15.5

A hemoglobina (Hb) é unha heteroproteína do sangue, de peso molecular 64.000 (64 kD), de cor vermella característica, que transporta o osíxeno dende os órganos respiratorios até os tecidos, en mamíferos, ovíparos e outros animais.

Fórmana catro cadeas polipeptídicas (globinas) a cada unha das cales se une un grupo hemo, cuxo átomo de ferro é capaz de unirse de xeito reversíbel ao osíxeno. O grupo hemo fórmase por:

1. Unión do succinil-CoA (formado en ciclo de Krebs ou ciclo do ácido cítrico) a un aminoácido glicina formando un grupo pirrol.
2. Catro grupos pirrol únense formando a Protoporfirina IX.
3. A protoporfirina IX únese a unha molécula de ferro ferroso (Fe²⁺) formando o grupo hemo.

Cando a hemoglobina está unida ao osíxeno, denomínase oxihemoglobina ou hemoglobina osixenada, dando o aspecto rubio ou escarlata intenso característico do sangue arterial. Cando perde o osíxeno, denomínase hemoglobina reducida, e presenta a cor vermella escura (cianose).

• Reacción paso a paso:

${\displaystyle \mathrm {Hb+O_{2}\leftrightarrow HbO_{2}} }$

${\displaystyle \mathrm {HbO_{2}+O_{2}\leftrightarrow Hb(O_{2})_{2}} }$

${\displaystyle \mathrm {Hb(O_{2})_{2}+O_{2}\leftrightarrow Hb(O_{2})_{3}} }$

${\displaystyle \mathrm {Hb(O_{2})_{3}+O_{2}\leftrightarrow Hb(O_{2})_{4}} }$

• Reacción total:

${\displaystyle \mathrm {Hb+4\ O_{2}\rightarrow Hb(O_{2})_{4}} }$