Hersham and Walton Motors

HWM

Nome completo	Hersham and Walton Motors
Bandeira	Reino Unido
Baseada en	Walton-on-Thames, Surrey, Reino Unido
Tempadas en activo	1951-1954
Número de pilotos	George Abecassis Stirling Moss Peter Collins Lance Macklin Paul Frère Roger Laurent Yves Giraud-Cabantous Duncan Hamilton Johnny Claes Dries van der Lof Jack Fairman Albert Scherrer John Fitch
Debut	Gran Premio de Suíza de 1951
Carreiras	16
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais	0
Derradeiro GP	Gran Premio de Francia de 1954

A Galipedia ten un portal sobre: Fórmula 1

Hersham and Walton Motors (HWM) é o concesionario máis antigo do mundo de Aston Martin (logo de adquirir a franquía en 1951), tamén foi un construtor de automóbiles de carreiras. Como construtor, é coñecido pola súa participación na Fórmula Dúas de 1950 a 1953 e na Fórmula 1 en 1954. Os propietarios de HWM George Abecassis e John Heath correron xuntos desde 1946 e en 1948 construíron un coche deportivo de carreiras co chasis dun Alta, embarcándose na construción de coches de carreiras e coches deportivos de carreiras na súa sede en Walton-on-Thames, Inglaterra. O coche de 1948 deulles resultados alentadores polo que construíron un novo auto, esta vez chamouse HW-Alta, foi construído e competiu en 1949; logrou o éxito suficiente para convencer os socios para emprender a fundación dun equipo para a tempada británica de Fórmula Dúas de 1950, estes coches foron coñecidos como HWM.

A pesar de ser un equipo con moi pouco diñeiro, de 1950 a 1952, HWM logrou un éxito notable na Fórmula Dúas, enfrontándose ao poderío das marcas continentais en cada carreira. En 1953 foron claramente superados, pero cando a Fórmula cambiou en 1954, John Heath construíu un coche para competir na Fórmula 1. HWM abandonou a nova Fórmula 1 logo de dúas carreiras debido a que seu auto non era nada competitivo. Mentres tanto, aparecera en 1953 o primeiro coche deportivo de carreiras Jaguar con motor HWM, e logrou algo de éxito con George Abecassis no volante. Desde entón e ata 1957, o equipo participou en carreiras de autos deportivos en Gran Bretaña e no continente, ás veces superando os seus competidores oficiais, Jaguar e Aston Martin. Despois da morte de John Heath na Mille Miglia de 1956 en Italia nun coche HWM oficial, Abecassis non desexaba seguir e o programa de carreiras con coches de fábrica só continuou durante un ano.

A día de hoxe HWM é propiedade do socio de George Abecassis, Mike Harting (ex. Aston Martin) e a súa familia. HWM exerce as súas actividades como HWM Aston Martin e HWM Alfa Romeo, sendo o concesionario de Aston Martin e Alfa Romeo.