Historia do xornalismo

A historia do xornalismo é o desenvolvemento, ó longo da historia, do xornalismo, entendido como unha actividade regular e continuada de recollida, elaboración e difusión de novas sobre os principais acontecementos que pasan no mundo, que levan a termo os xornalistas.^[2] A tendencia foi a do incremento do número de novas ó alcance dos cidadáns e da velocidade de transmisión. Dende finais do século XVII os xornais foron o principal medio de difusión da actividade dos xornalistas, ós cales se van engadir no século XVIII as revistas, no século XX a radio e a televisión, e no século XXI Internet.^[3]

A historia do xornalismo pódese separar en catro etapas; o antigo ou artesán (1609–1789), o moderno ou liberal (1789 – derradeiro cuarto do século XIX), o contemporáneo ou industrial (derradeiro cuarto do século XIX – derradeiro cuarto do século XX) e o que comeza co xurdimento de Internet, en 1994.^[4] Italia, Alemaña, Francia, Inglaterra, España e os Estados Unidos son, por esta orde, os países claves na aproximación académica da historia do xornalismo.^[5]

1. ↑ Lucas, Dean. "Famous Pictures Magazine - Nixon's V sign". Arquivado dende o orixinal o 26 de setembro de 2007. Consultado o 2007-06-01. 
2. ↑ Barrera 2004, p. 44.
3. ↑ Shannon E. Martin; David A. Copeland (2003). The Function of Newspapers in Society: A Global Perspective. Greenwood Publishing Group. p. 2. ISBN 978-0-275-97398-8. 
4. ↑ Guillamet 2003, p. 42.
5. ↑ Guillamet 2003, p. 37.