Holstein

Holstein

Localización
54°10′00″N 9°40′00″L / 54.1667, 9.66667
Estado	Alemaña
Estado federado	Schleswig-Holstein
Creación	1474

Holstein (AFI: [ˈhɔlʃtain]) (en baixo saxón: Hosteen, en danés: Holsten, en latín: Holsatia) é a rexión situada entre os ríos Elba e Eider. Na actualidade forma parte de Schleswig-Holstein, o Estado federado situado máis ao norte de Alemaña. A capital de Holstein é Kiel.^[1]

Holstein existiu anteriormente como o Condado de Holstein (en alemán: Grafschaft Holstein), o posterior Ducado de Holstein (en alemán: Herzogtum Holstein) e foi o extremo setentrional do Sacro Imperio Romano Xermánico.

A historia de Holstein está ligada estreitamente coa do Ducado danés de Schleswig.

O nome Holstein provén dos holcetae, unha tribo saxoa que o historiador alemán Adán de Bremen menciona como asentada na ribeira norte do Elba, ao oeste de Hamburgo. O nome significa "moradores do bosque".^[1]

1. ↑ ^{1,0 1,1} Hosltein na Enciclopedia Británica. Consultada o 25 de decembro de 2021.