Back Islla de California AST Illa de Califòrnia Catalan Californienøen Danish Insel Kalifornien German Island of California English Isla de California Spanish جزیره کالیفرنیا Persian Île de Californie French האי קליפורניה HE Kalifornia-sziget Hungarian
O termo illa de California fai referencia a un erro cartográfico europeo do século XVI no que a península de California aparece separada do resto de América do Norte, representándoa como unha illa separada do resto do continente por un suposto estreito, que en realidade é o golfo de California.
Trátase, polo tanto, dun dos erros cartográficos máis importantes da historia, que foi amplamente difundido en mapas dos séculos XVII e XVIII, pese a que algunhas exploracións xa achegaran probas que contradicían a suposta illa de California (como a temperá expedición de Francisco de Ulloa en 1539-1540).
Inicialmente, a lenda foi difundida coa idea de que California era un paraíso terrestre, como o Xardín do Edén ou a Atlántida.
Este erro está moi ligado é crenza da existencia do estreito de Anián, un suposto estreito que conectaría o Pacífico co golfo de San Lourenzo.