Indovuzaki

Indovuzaki ou ndlovukati é o título dado ás nais dos reis de Eswatini. O termo significa literalmente "Grande Elefanta" e vén a equivaler ao título de "Raíña Nai". A indovuzaki é a Xefa do Estado (xunto ao rei ou "ngwenyama") e a líder espiritual do país.^[1]

Sempre que haxa ngwenyama e indovuzaki simultaneamente, existirán dúas capitais da nación; unha delas, onde resida o ngwenyama, será a capital administrativa e na outra, onde resida a indovuzaki, será a capital nacional e a capital espiritual e cerimonial.

1. ↑ "África y su soberano millonario". El Universal. 2 de novembro de 2008. Consultado o 1 de setembre de 2010.