Back Konstantin Tsjernenko Afrikaans ቸርነንኮ Amharic قسطنطين تشيرنينكو Arabic قسطنطين تشيرنينكو ARZ Konstantín Chernenko AST Konstantin Çernenko Azerbaijani Kuonstantėns Černenko BAT-SMG Канстанцін Усцінавіч Чарненка Byelorussian Канстанцін Чарненка BE-X-OLD Константин Черненко Bulgarian
.jpg)
.svg){kind=small}
Konstantin Ustínovitch Chernenko (en ruso Константи́н Усти́нович Черне́нко; en ucraíno: Костянтин Устинович Черненко; romanizado: Konstantin Ustinovich Chernienko), nado en Bolshaya Tes no Krai de Krasnoyarsk, do Imperio ruso, o 24 de setembro de 1911 e finado en Moscova o 10 de marzo de 1985,[1][2] foi presidente do Soviet Supremo da URSS e secretario xeral do Partido Comunista desde 1984 até a súa morte o 10 de marzo de 1985, e xefe supremo do Buró Político. segundo posto máis alto da xerarquía soviética, desde 1971 até 1984, cando asumiu, en efecto, o posto máis alto do país.[3]
Despois da súa morte, os países socialistas de Europa do Leste non superarían os cinco anos, e a Unión Soviética, de feito, sete.[4]
A pesar do seu curto mandato, Chernenko conquistou un gran poder dentro do partido, sendo un segundo home, moi parecido a un vicepresidente, desde principios dos anos 70, baixo a dirección de Leonid Brezhnev, acompañándoo en numerosas viaxes ao estranxeiro e servindo como un conselleiro político durante a década de 1970 e principios dos anos 80, conseguindo as súas maiores fazañas mesmo antes de converterse en Secretario Xeral, o que fixo que a súa contribución á Unión Soviética e a Rusia durante os anos de Brezhnev fose máis eminente que durante o propio goberno.
Así, en 1982, despois da morte de Leonid Brezhnev, Chernenko perdeu a carreira para ser secretario xeral ante Iuri Andropov. Porén, graves problemas de saúde provocaron a morte de Andropov en 1984, polo que Chernenko sucedeuno como secretario xeral do PCUS, presidente do Presidium do Soviet Supremo da Unión Soviética (xefe de Estado) e presidente do Consello de Defensa. Dirixiu unha reforma educativa e diversos axustes na estrutura burocrática do Estado. En política exterior, negociou un pacto comercial con China. Despois de apenas un ano no poder, Chernenko, tamén padecendo graves problemas de saúde, morreu en marzo de 1985. Os seus restos están enterrados na necrópole do muro do Kremlin de Moscova.
- ↑ Jessup (1998), p. 121
- ↑ Maksimenkov, Leonid (16 de marzo de 2015). "Человек одного года". kommersant.ru (en ruso). Consultado o 19 de abril de 2023.
- ↑ "MIA - Konstantín Chernenko". www.marxists.org; páxina en inglés, castelán, portugués e galego. Consultado o 2022-08-30.
- ↑ "Las reformas de Gorbachov y la disolución en Rusia - Embajada de Rusia". www.embajadaderusia.org (en castelán). Consultado o 2022-08-30.