La Chorrera é unha cidade panameña, capital do distrito de La Chorrera, pertencente á provincia de Panamá Oeste. A área urbana e a zona máis poboada de La Chorrera son os correxementos de Barrio Balboa e Barrio Colón, cunha marcada énfase cara ao leste, até empatar co correxemento Juan D. Arosemena, do distrito de Arraiján. Considerando as áreas urbanas deses dous correxementos (Barrio Balboa e Barrio Colón), conxuntamente coas dos correxementos de El Coco, Guadalupe e parte de Puerto Caimito, forman un todo orgánico e funcional coñecido como La Gran Chorrera cunha poboación de 133.599 habitantes.[1] Da antiga provincia de Panamá era a cuarta aglomeración urbana máis grande superada por Arraiján, San Miguelito e a capital. E a segunda máis importante da provincia tras a cidade de Panamá, da cal se atopa a uns 32 km. É recoñecida pola súa feira internacional e recoñecida como "a cidade do bolo e o chicheme.[2]
