Lingua powhatan

Powhatan Kikitowämak
Falado en:	Estados Unidos de América
Rexións:	Virxinia e Maryland
Extinción:	(1785- 1790)
Familia:	Álxico  Algonquino   Algonquino oriental    Powhatan
Escrita:	Alfabeto latino
Códigos de lingua
ISO 639-1:	--
ISO 639-2:	---
ISO 639-3:	pim
Mapa
Status

A lingua powhatan ou lingua algonquina de Virxinia (cuxo autónimo é kikitowämak) é unha lingua morta pertencente á pola oriental da familia algonquina. Foi falada polos powhatan de Virxinia. Extinguiuse arredor de 1790 despois de que os seus falantes foran forzados baixo coacción a falar inglés.^[1][2]

As únicas probas documentais desta lingua son dúas listas de palabras rexistradas no tempo do primeiro contacto cos europeos. William Strachey rexistrou arredor de 500 palabras e o capitán John Smith rexistrou outras 50.^[3][4] Smith tamén rexistrou a existencia dun pidgin do powhatan, pero non se coñece nada sobre el.^[5]

Ó igual que outras linguas algonquinas, o powhatan non tiña un sistema de escrita, polo que todo o que se sabe da lingua son estes rexistros do século XVII e a investigación que se pode facer con comparacións doutras linguas algonquinas.

1. ↑ Mithun 1999, p. 332.
2. ↑ Siebert 1975, p. 290.
3. ↑ Lovgren 2006.
4. ↑ Siebert 1975, p. 291.
5. ↑ Campbell 2000, p. 20.