Lingua nuu-chah-nulth

Nuu-chah-nulth Nuučaan̓uł T'aat'aaqsapa
Pronuncia:	[nuːt͡ʃaːnˀuɬ]
Falado en:	Canadá
Rexións:	Costa oeste da Illa de Vancouver
Total de falantes:	130 (2014)
Familia:	Wakash  Meridional   Nuu-chah-nulth
Códigos de lingua
ISO 639-1:	--
ISO 639-2:	---
ISO 639-3:	nuk
Mapa
Status
O nuu-chah-nulth está clasificado como en perigo severo polo Libro Vermello das Linguas Ameazadas da UNESCO[1]

A lingua nuu-chah-nulth (nuučaan̓uł),^[2] é unha lingua wakash falada polo pobo nuu-chah-nulth na costa oeste da illa de Vancouver, dende Barkley Sound até Quatsino Sound, na Columbia Británica. O nuu-chah-nulth é unha lingua wakash meridional relacionada co nitinaht e co makah. A orixe do termo "nuu-chah-nulth", que quere dicir "ó longo do exterior [da illa de Vancouver]" data da década de 1970, cando varios grupos de falantes da lingua se uniron, rexeitando o termo incorrecto "nootka" (que quere dicir "camiñar" e foi erradamente interpretado como o nome do lugar, que en realidade se chama Yuquot). O nome dado polas fontes máis antigas é tahkaht; que tamén foi empregado para referirse a eles mesmos (a raíz aht quere dicir "pobo").^[3]

É a primeira lingua dun pobo indíxena da costa noroeste do Pacífico en ser documentada en fontes escritas. Na década de 1780, Vancouver, Quadra, e outros exploradores e comerciantes europeos frecuentaron Nootka Sound e outras comunidades nuu-chah-nulth, facendo rexistros das súas viaxes. Entre 1803 e 1805 John R. Jewitt, un ferreiro inglés, foi retido polo xefe Maquinna en Nootka Sound. Fixo un esforzo por aprender a lingua, e en 1815 publicou unhas memorias cun breve glosario de termos.

1. ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022. 
2. ↑ "About the Language Program". Hupač̓asatḥ. Consultado o 8 de agosto de 2015. 
3. ↑ Some account of the Tahkaht language, as spoken by several tribes on the western coast of Vancouver island , Hatchard and Co., London, 1868