Lingua tepecana

Tepecano
Falado en:	México
Rexións:	Xalisco
Extinción:	c. 1980
Familia:	Linguas uto-aztecas  Uto-aztecas meridionais   Linguas tepimanas    Tepecano
Códigos de lingua
ISO 639-1:	--
ISO 639-2:	---
ISO 639-3:	tep
Mapa
Status
O tepecano está clasificado como morta polo Libro Vermello das Linguas Ameazadas da UNESCO[1]

A lingua tepecana é unha lingua morta indíxena de México que pertence á familia uto-azteca. Outrora foi falada por un pequeno grupo de persoas en Azqueltán, Xalisco, unha pequena vila a carón do río Bolaños na parte norte do estado, xusto ao leste do pobo huichol. O seu parente máis achegado era a tepehuano do sur falada no estado de Durango. Polo que se sabe, o último falante de tepecano foi Lino de la Rosa (nado o 22 de setembro de 1895), que aínda vivía en febreiro de 1980.^[2]

A investigación sobre o tepecano foi realizada por primeira vez polo antropólogo e lingüístico estadounidense John Alden Mason en Azqueltán entre 1911 e 1913. Este traballo levou á publicación dunha monografía cun bosquexo gramatical en 1916, así como un artigo sobre oracións nativas en tepecano que Mason recollera de informantes en 1918. A investigación de campo posterior foi realizada polo lingüista estadounidense Dennis Holt en 1965 e de 1979 a 80, mais ningún dos seus resultados foron publicados polo momento.^[3]

1. ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022. 
2. ↑ Holt 2001: 30
3. ↑ Dennis Holt, personal communication