Llywarch Hen

Llywarch Hen

Biografía
Nacemento	534 (Gregoriano) Rheged, Bretóns
Morte	634 (Gregoriano) (99/100 anos) Lindisfarne, Reino Unido (pt)
Monarca
Actividade
Ocupación	monarca, poeta
Obra
Obras destacables Canu Llywarch Hen (en)
Familia
Fillos	Dwywg ap Llywarch Hên ab Elidir Lydanwyn, Sandde ap Llywarch Hên ab Elidir Lydanwyn ap Meirchon Gul
Pais	Elidyr Llydanwyn   e Gwawr ach Brychan
Irmáns	Cynfarch Oer
Descrito pola fonte	Dictionary of National Biography

Llywarch Hen (que significa 'Llywarch o Vello') foi un príncipe do reino britónico de Rheged no século VI, unha familia reinante no Hen Ogledd ou 'Vello Norte' de Gran Bretaña (moderna Escocia meridional e Inglaterra setentrional). Era curmán do rei Urien Rheged e foi se cadra el tamén monarca da mesma rexión.

A súa vida foi obxecto dunha saga que se perdeu da que só sobreviviría a parte poética, unha serie de englynion. As palabras son postas na boca do mesmo Llywarch, malia seren compostas claramente algo máis tardiamente, posibelmente no século IX. Láiase da morte de Urien e volve a Rheged coa súa cabeza cortada. Outros britanos fixéronlle a guerra a Llywarch e logo viuse a vivir na pobreza. Aconséllanlle que fuxa a Powys e faino. Tamén aparece asociado ás veces con Llanfor, preto de Llyn Tegid en Gwynedd.

Nos poemas sobre Llywarch, coñecidos como Canu Llywarch Hen, dise que tivo vinte e catro fillos, pero varias fontes chegan a nomear ata trinta e nove, máis algunhas fillas. O Canu Heledd, que trata da caída dos reis da rexión de Pengwern, e a elexía Geraint fillo de Erbin, que trata da batalla de Llongborth, están tamén asociadas indirectamente con Llywarch.