Magma (grupo musical)

Magma
Magma en 2017
Orixe	París, Francia
Período	1969 - 1984 1996 - presente
Xénero(s)	zeuhl, rock progresivo, avant-rock, art rock
Selo(s) discográfico(s)	A&M, Musea Records, Philips, RCA, Seventh, Tomato, Utopia, Vertigo
Membros	Christian Vander Stella Vander Isabelle Feuillebois Rudy Blas Hervé Aknin Francis Linon Simon Goubert Thierry Eliez Jimmy Top Caroline Indjein Sylvie Fisichella Laura Guarrato
Na rede
http://www.magmamusic.org/

Magma é unha banda francesa de rock progresivo fundada en París en 1969 polo batería con formación clásica Christian Vander, quen reivindicou como inspiración unha "visión do futuro espiritual e ecolóxico da humanidade" que o inquietou profundamente. No seu primeiro álbum, Magma, a banda conta a historia dun grupo de xente que foxe dunha condenada Terra para establecerse no planeta Kobaïa. Posteriormente xorde o conflito cando os Kobaïanos, descendentes dos colonos orixinais, atópanse con outros refuxiados da Terra. O estilo de rock progresivo que Vander desenvolveu con Magma chámase "zeuhl", e foi usado por outras bandas en Francia activas durante o mesmo período, e por algunhas bandas xaponesas recentes.^[1]

Vander creou unha linguaxe ficticia, o Kobaïan, na cal se canta a mairía dos temas.^[2] Nunha entrevista en 1977 con Vander e co vocalista da banda Klaus Blasquiz, Blasquiz dixo que o Kobaïan é un "idioma fonético feito con elementos de linguas eslavas e xermánicas para ser capaz de expresar musicalmente algunhas cousas. A linguaxe ten por suposto un contido, pero non palabra a palabra".^[3] Álbums posteriores contan historias diferentes ambientadas en épocas máis antigas; porén, o Kobaïan mantense como unha parte integral da música.

En 1986 fundouse o selo francés Seventh Records para publicar material de Magma e de Vander. Ao longo dos anos, Seventh tamén editou álbums de artistas relacionados como Stella Vander, Patrick Gauthier, e Collectif Mu.^[4]

1. ↑ "Zeuhl, a progressive rock music sub-genre". Progarchives.com (en inglés). Consultado o 2022-12-01. 
2. ↑ "The Wire: Adventures in Modern Music: Article". web.archive.org. 2011-06-04. Arquivado dende o orixinal o 04 de xuño de 2011. Consultado o 2022-12-01. 
3. ↑ "Da Zeuhl Wortz Mekanïk is kobaian for Magma". www.danbbs.dk. Arquivado dende o orixinal o 01 de decembro de 2022. Consultado o 2022-12-01. 
4. ↑ "SEVENTH RECORDS". www.seventhrecords.com. Consultado o 2022-12-01.