Back Севільскі метрапалітэн Byelorussian Севилско метро Bulgarian Metro de Sevilla Catalan Metro v Seville Czech Sevillas Metro Danish Metro Sevilla German Μετρό Σεβίλλης Greek Seville Metro English Metroo de Sevilo Esperanto Metro de Sevilla Spanish
| Metro de Sevilla | |||
|---|---|---|---|
  Interior da Estación de Cocheras. | |||
| Información | |||
| Dono | Xunta de Andalucía | ||
| Cidade | Sevilla, España | ||
| Tipo | Metro lixeiro | ||
| Liñas | 1 | ||
| Estacións | 22 | ||
| Sitio web | metro-sevilla.es | ||
| Operacións | |||
| Inauguración | 2 de abril de 2009 | ||
| Vel. máxima | 70 km/h | ||
| |||
O Metro de Sevilla é unha rede de ferrocarril metropolitano lixeiro que opera na cidade andaluza de Sevilla, en España. A primeira liña foi inaugurada o 2 de abril de 2009, aínda que na data de inauguración só se puxo en funcionamento en torno ao 80 % do trazado con 17 das 22 estacións previstas, todas as restantes (salvo a estación de Guadaíra) estiveron operativas meses máis tarde, no outono dese mesmo ano. Actualmente é a quinta rede de metro de España en canto ao número de persoas transportadas e quilómetros explotados.
A liña 1 conta cun total de 22 estacións repartidas por catro termos municipais do área metropolitana, a cuarta de España con máis de 1 500 000 habitantes. A tipoloxía desta primeira liña é subterránea polos núcleos urbanos polos que transcorre, e en viaduto ou en superficie con plataforma 100% segregada nas zonas non urbanizadas do exterior dos municipios.
A rede de Metro de Sevilla foi a sexta inaugurada en España, por detrás dos metros de Madrid, Barcelona, Valencia, Bilbao, e Palma de Mallorca. Á súa vez, foi o primeiro dos metropolitanos de Andalucía en prestar servizo, por diante das redes de Málaga e Granada.