Back Metropolitan Museum of Art Afrikaans متحف المتروبوليتان للفنون Arabic متحف المتروبوليتان للفنون ARZ Muséu Metropolitanu d'Arte AST Metropoliten muzeyi Azerbaijani Metropolitan Museum of Art BCL Метраполітэн-музей Byelorussian Мэтраполітэн (музэй) BE-X-OLD Музей на изкуството „Метрополитън“ Bulgarian মেট্রোপলিটন মিউজিয়াম অব আর্ট Bengali/Bangla
| The Metropolitan Museum of Art | |
|---|---|
 | |
_-_Central_Park,_NYC.jpg) Fachada de entrada | |
 | |
| Coordenadas | 40°46′46″N 73°57′48″O / 40.779444444444, -73.963333333333 |
| País | Estados Unidos de América |
| Cidade | Manhattan |
| Director | Luigi Palma di Cesnola, Caspar Purdon Clarke, Edward Robinson, Herbert Eustis Winlock, Francis Henry Taylor, James Rorimer, Thomas Hoving, Philippe de Montebello, Thomas P. Campbell e Max Hollein |
| Inauguración | 1870 |
| Visitantes | 6 479 548 (2019)[1] |
| Na rede | |
| https://www.metmuseum.org/ | |
           | |
| [ editar datos en Wikidata ] | |
O Metropolitan Museum of Art (Museo Metropolitano de Arte) da cidade de Nova York, coloquialmente "The MET", é o maior museo de arte dos EUA. Con 6 479 548 visitantes nas súas tres sedes en 2019, foi o cuarto museo de arte máis visitado do mundo.[2] A súa colección permanente contén máis de 2 millóns de obras divididas en 17 departamentos. O edificio principal, no número 1000 da Quinta Avenida, ao longo da Museum Mile no bordo oriental de Central Park no Upper East Side de Manhattan, é unha das galerías de arte maiores do mundo. Un segundo lugar moito máis pequeno, The Cloisters en Fort Tryon Park en Upper Manhattan, contén unha extensa colección de arte, arquitectura e obxectos da Europa medieval. O 18 de marzo de 2016, o museo abriu o Met Breuer na avenida Madison no Upper East Side, que ampliou o programa de arte moderna e contemporánea.
A colección permanente consta de obras de arte da antigüidade clásica e do Antigo Exipto, pinturas e esculturas de case todos os mestres europeos e unha extensa colección de arte moderna e americana. O MET posúe grandes coleccións de arte africana, asiática, oceánica, bizantina e islámica. Tamén alberga coleccións enciclopédicas de instrumentos musicais, traxes e accesorios, así como armas e armaduras antigas de todo o mundo. Nas súas galerías están instalados varios interiores notables, desde a Roma do século I ata o moderno deseño americano.
O Metropolitan Museum of Art fundouse en 1870 co propósito de achegar a arte e a educación artística ao pobo estadounidense. O edificio da Quinta Avenida abriuse o 20 de febreiro de 1872, no número 681.
- ↑ "Visitor Figures". www.theartnewspaper.com. Consultado o 5 de decembro de 2020.
- ↑ The Art Newspaper, abril de 2020