Michif

Michif
Falado en:	Canadá e os Estados Unidos de América
Total de falantes:	1.800 (censo de 2021)
Familia:	Linguas crioulas  Crioulo de base cree e francés   Michif
Escrita:	Alfabeto latino
Códigos de lingua
ISO 639-1:	--
ISO 639-2:	---
ISO 639-3:	crg
Mapa
Status
O michif está clasificada como en perigo crítico polo Libro Vermello das Linguas Ameazadas da UNESCO[1]

O michif (tamén escrito mitchif, mechif, michif-cree, métif, métchif ou cree francés) é un das linguas do pobo métis do Canadá e os Estados Unidos, os cales son descendentes das Primeiras Nacións (principalmente cree, nakota, e ojibwa) e comerciantes europeos de peles (principalmente franceses). O michif xurdiu a comezos do século XIX como unha lingua mixta^[2] e adoptou unha forma consistente entre 1820 e 1840.

O michif combina cree e o francés dos métis (Rhodes 1977, Bakker 1997:85), unha variedade do francés canadense con algúns préstamos do inglés e varias linguas indíxenas de América, como o ojibwa e o assiniboine. En xeral, a fonoloxía, o léxico, a morfoloxía e a sintaxe dos substantivos derivan do francés métis, mentres que os verbos derivan do cree das chairas (un dialecto occidental do cree). Os artigos e adxectivos tamén son de orixe francesa métis mais os demostrativos son cree das chairas.

1. ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022. 
2. ↑ L. Lee Scott (2007-07-02). "The Turtle Mountain Michif: A People and Their Language". Yahoo! Voices - voices.yahoo.com. Arquivado dende o orixinal o 2014-07-29. Consultado o 2013-03-24.