O crecemento de Mississauga atribúeselle á súa proximidade a Toronto.[3] Durante a segunda metade do século XX, a cidade atraeu unha poboación multicultural e construíu un próspero distrito financeiro.[4][5] Malton, un barrio da cidade situado no seu extremo nordés, alberga o aeroporto de Toronto-Pearson, o aeroporto máis transitado do Canadá, así como a sede de moitas empresas canadenses e multinacionais. Mississauga non é unha cidade tradicional, senón que é unha fusión de tres antigas vilas, dous municipios e unha serie de aldeas rurais (un patrón xeral común a varias cidades suburbanas da área metropolitana de Toronto). Eran núcleos de poboación significativos, sen que ningún fose claramente dominante antes da súa incorporación á cidade que posteriormente deu a unha única área urbana.[6]
