Moraxella

Moraxella
Clasificación científica
Dominio: Bacteria Filo: Proteobacteria Clase: Gammaproteobacteria Orde: Pseudomonadales Familia: Moraxellaceae Xénero: Moraxella
Especies
M. atlantae M. boevrei M. bovis M. canis M. caprae M. catarrhalis M. caviae M. cuniculi M. equi M. lacunata M. lincolnii M. nonliquefaciens M. oblonga M. osloensis M. saccharolytica

Moraxella é un xénero de bacterias gramnegativas. Poden ter forma de bacilo curto ou cocobacilo ou, como no caso de Moraxella catarrhalis, de cocos asociados en parellas (diplococos), ou mesmo en pequenas cadeas. A maioría destes microorganismos son inmóbiles, non esporulados, positivos nas probas da oxidase e catalase.^[1] Uns son hemolíticos e algunhas especies son capsuladas. Son en xeral organismos aerobios aínda que algúns pode ser anaerobios facultativos e teñen pouca capacidade para fermentar carbohidratos.

O seu hábitat é o ambiente en xeral, pero son máis abondosas na rexión nasofarínxea dalgíns animais, como os bovinos.

Estes microorganismos non son moi esixentes, mais o seu crecemento é mellor ágar sangue especialmente se engadimos soro. Producen hemólise no ágar.

O xénero recibe o seu nome polo oftalmólogo suízo Victor Morax.

1. ↑ Ala'Aldeen, D. A. A. (2007). "Neisseria and moraxella". In Greenwood, David; Slack, Richard; Peitherer, John; & Barer, Mike (Eds.), Medical Microbiology (17th ed.), p. 258. Elsevier. ISBN 978-0-443-10209-7.