Morte de Adolf Hitler

A morte de Adolf Hitler tivo lugar o 30 de abril de 1945 no seu Führerbunker en Berlín. Hitler suicidouse dun disparo de pistola,^[1][2][3] mentres que a súa muller Eva Braun suicidouse con el por medio da inxestión de cianuro.^[4] Esa mesma tarde, seguindo instrucións previas de Hitler, os seus restos foron levados fóra do búnker pola saída de emerxencia, e tras botarlles gasolina foron queimados no xardín da chancelería do Reich.^[5] Os rexistros soviéticos indican que os seus restos queimados foron recuperados e enterrados sucesivamente en varios lugares^[6] ata 1970, cando foron exhumados de novo, incinerados e as súas cinzas foron espalladas.^[7]

Os diversos recontos do feito difiren na causa da morte. Un indica que faleceu só por inxerir un veleno^[8] mentres que outro indica que faleceu disparándose a si mesmo mentres inxería unha cápsula de cianuro.^[9] Os historiadores contemporáneos rexeitaron estes recontos por ser ou ben propaganda soviética^[10][11] ou un intento de compromiso para reconciliar as distintas conclusións.^[9][12] Segundo unha testemuña o corpo tiña sinais de ter recibido un disparo a través da boca, mais isto probouse como pouco probable.^[13][14] Existe tamén unha controversia con respecto á autenticidade dos fragmentos de mandíbula e cranio que foron recuperados.^[15][7] No ano 2009 investigadores estadounidenses levaron a cabo unha análise de ADN no cranio que os oficiais soviéticos crían que era de Hitler. As probas e o exame dos restos revelaron que o cranio pertencía a unha muller de menos de 40 anos de idade, e os fragmentos de mandíbula recuperados non foron analizados.^[16][17][18]

1. ↑ Fischer 2008, p. 47.
2. ↑ Kershaw 2008, p. 955.
3. ↑ "Hitler's last days" (en inglés). MI5. Consultado o 1 de outubro de 2013. 
4. ↑ Beevor 2002, p. 359.
5. ↑ Kershaw 2008, p. 956.
6. ↑ Kershaw 2008, p. 958.
7. ↑ ^{7,0 7,1} Beevor 2002, p. 431.
8. ↑ Erickson 1983, p. 606.
9. ↑ ^{9,0 9,1} O'Donnell 2001, pp. 322–323.
10. ↑ Eberle & Uhl 2005, p. 288.
11. ↑ Kershaw 2001, p. 1037.
12. ↑ Fest 1974, p. 749.
13. ↑ Joachimsthaler 1999, p. 157.
14. ↑ Joachimsthaler 1999, p. 166.
15. ↑ Joachimsthaler 1999, p. 225.
16. ↑ "Russians insist skull fragment is Hitler's". CNN (en inglés). 10 de decembro de 2009. Consultado o 1 de outubro de 2013. 
17. ↑ Goñi, Uki (27 de setembro de 2009). "Tests on skull fragment cast doubt on Adolf Hitler suicide story". The Guardian (en inglés) (Londres). Consultado o 1 de outubro de 2013. 
18. ↑ Halpin, Tony; Boyes, Roger (9 de decembro de 2009). "Battle of Hitler's skull prompts Russia to reveal all" (en inglés). The Times. Arquivado dende o orixinal o 29 de xuño de 2011. Consultado o 1 de outubro de 2013.