Nacionalismo asirio

O nacionalismo asirio é un movemento xurdido entre o pobo asirio co obxectivo de defender a súa independencia ou autonomía dentro das rexións nas cales habitan, incluíndo o norte de Iraq, o nordeste de Siria, o noroeste de Irán e o sueste de Turquía. Os asirios son os pobos orixinarios de Mesopotamia, cuxos devanceiros estabeleceron o Imperio Asirio no que hoxe son os modernos estados de Iraq, Irán, Siria e Turquía. O imperio durou dende o século -XXV até o seu colapso no século -VII.

O movemento xurdiu a finais do século XIX nun contexto de crecente persecución étnica e relixiosa dos asirios no Imperio Otomán, e hoxe é defendido polo xeral polos asirios na diáspora.

A Organización de Nacións e Pobos Non Representados das Nacións Unidas (UNPO) recoñece os modernos asirios como un pobo indíxena do sueste de Turquía, nordeste de Siria e nos límites do noroeste de Irán,^[2] como fai o Dicionario político do Oriente Medio moderno.^[3]

1. ↑ "Assyria". Crwflags.com. Arquivado dende o orixinal o 12 de outubro de 2008. Consultado o 2008-11-16. 
2. ↑ Unrepresented Nations and People Organization (UNPO). Assyrians the Arab Christians People of Iraq
3. ↑ Korbani, Agnes G. (1995). The Political Dictionary of the Modern Middle East, Lanham, Md.: University Press of America.