Back المعرض الوطني (لندن) Arabic المتحف الوطنى فى لندن ARZ National Gallery AST London Milli Qalereyası Azerbaijani Лонданская нацыянальная галерэя Byelorussian Национална галерия (Лондон) Bulgarian ন্যাশনাল গ্যালারি Bengali/Bangla National Gallery Londrez Breton Nacionalna galerija BS National Gallery de Londres Catalan
| National Gallery | |
|---|---|
 | |
 | |
| Coordenadas | 51°30′32″N 0°07′42″O / 51.508888888889, -0.12833333333333 |
| País | Reino Unido |
| Cidade | Cidade de Westminster |
| Director | Gabriele Finaldi |
| Inauguración | 1824 |
| Visitantes | 5.253.216 (2011) |
| Na rede | |
| https://www.nationalgallery.org.uk/ e https://www.nationalgallery.org.uk | |
      | |
| [ editar datos en Wikidata ] | |
A National Gallery ou Galería Nacional é o principal museo de arte de Londres, sito na parte norte de Trafalgar Square. Exhibe pintura europea de 1250 a 1900, prodecente da colección nacional de arte do Reino Unido [1]. A colección permanente, que consta de 2,300 pinturas, pertence ao Estado británico, polo que a entrada é publica, só sendo necesario pagar para asistir a determinadas exposicións especiais. Ten entre 4 e 5 millóns de visitantes ao ano.
Maila ser fundada sen unha colección real que a sustentase, a National Gallery converteuse nunha galería de arte de sona internacional dende a súa fundación en 1824. Foi conformada inicialmente polos seus primeiros directores, incluído o pintor Sir Charles Lock Eastlake, e aumentada con doazóns privadas, que hoxe en día compoñen dous terzos da súa colección permanente. Aínda que de tamaño reducido en comparación con outras pinacotecas coma o Louvre, a National Gallery destaca por amosar obras mestras de toda a Historia da Arte occidental, sendo posible admirar a través da súa colección a evolución dos estilos pictóricos dende o comezo do Renacemento ata o Postimpresionismo. A galería orixinal do século XIX baseábase fundamentalmente na arte italiana e no neerlandesa, pero pouco a pouco foi adquirindo obras de arte moderna.
A galería foi aloxada en tres edificios diferentes, cada un dos cales resultou co tempo pouco axeitado para os propósitos expositivos. O edificio actual foi comezado por Williams Wilkins e sufriu notables ampliacións, cuxas obras principais foron a cargo de Edward Middleton Barry e Robert Venturi. Dende 2002 e ata 2006, o director da institución foi Charles Saumarez Smith. Dende decembro de 2007, o prestixioso historiador de arte Nicholas Penny está á fronte da galería.
- ↑ A escultura e as artes decorativas atópanse no Victoria and Albert Museum. O Museo Británico exhibe arte antiga, arte non occidental, gravados e debuxos, e a arte contemporánea está na Tate Modern. Parte da arte británica atópase na National Gallery, pero a meirande colección nacional de arte británica atópase na Tate Britain.