National Trust

National Trust for Places of Historic Interest or Natural Beauty
Placa de información da National Trust
Tipo	Protección da natureza
Campo de traballo	Conservación e restauración
Data de fundación	12 de xaneiro de 1895
Fundador(es)	Octavia Monte, Robert Hunter e Hardwicke Rawnsley
Presidente/a	Carlos III do Reino Unido (-)
Nº de empregados	7.463 (2019)
Organización subsidiaria	Coughton Court, Cliveden, Shugborough Hall, Wray Castle e Hill Top Farm
Sede	Swindon
País	Reino Unido
Na rede
https://www.nationaltrust.org.uk/
[ editar datos en Wikidata ]

A National Trust, nome polo que se coñece popularmente a National Trust for Places of Historic Interest or Natural Beauty (Fundación Nacional para Sitios de Interese Histórico ou Beleza Natural), é unha organización de conservación existente en Inglaterra, Gales e Irlanda do Norte, e a organización asociativa máis grande no Reino Unido. A misión da National Trust consiste na preservación e protección dos espazos e lugares históricos^[1].

A National Trust posúe sobre 350 propiedades, entre as cales se contan numerosos xardíns e edificios históricos, monumentos industriais e sitios históricos^[2]. A maioría destas propiedades están abertas ao público, outras están arrendadas. A National Trust é un dos terratenentes máis grandes do Reino Unido, posuíndo sobre 247.000 hectáreas de terra, incluíndo moitos lugares de especial beleza natural, a maioría dos cales están abertos ao público de forma gratuíta^[2]. A National Trust e unha das organizacións do Reino Unido máis grandes dende o punto de vista financeiro, os seus ingresos proveñen das cotas dos seus asociados, do cobro de entradas, dos legados recibidos e das tendas de agasallos e restaurantes dentro das súas propiedades.

Historicamente, a National Trust centrouse en edificios do territorio de Inglaterra, o que supón aínda a maior parte do seu patrimonio, mais tamén protexe paisaxes históricas como o Distrito dos Lagos, propiedades urbanas históricas e reservas de natureza.

1. ↑ "Our cause". (en inglés)
2. ↑ ^{2,0 2,1} "Annual Report 2014-15" (PDF). Arquivado dende o orixinal (PDF) o 08 de decembro de 2015. Consultado o 28 de outubro de 2016. (en inglés)