Nervio hipogloso

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2015.)

Para o pEixe de igual nome, véxase Hippoglossus hippoglossus.

Nervio hipogloso
Nervio hipogloso, plexo cervical e as súas ramas.
Vista inferior do cerebro humano, cos nervios craniais anotados en inglés.
Latín	nervus hypoglossus
Gray:	subject #207 914
Innervación	xeniogloso, hiogloso, estilogloso
Ramas	ansa cervical
MeSH	Hypoglossal+Nerve

O nervio hipogloso, nervio hipogloso maior ou XII par cranial é un nervio cranial que se encarga especialmente de coordinar os movementos da lingua. Sae do cranio, do óso occipital, a través do burato condiloide anterior. Sae acompañado dos nervios do grupo do vago (IX, X e XI pares craniais). Despois sepárase deles e diríxese cara a beira lateral da lingua. Innervará a maior parte da musculatura extrínseca da lingua (o palatogloso non, que é innervado polo nervio accesorio) e parte dos músculos hoideos.

O seu núcleo atópase do bulbo raquídeo, no suco preolivar, que separa a oliva da pirámide. A este núcleo denomínaselle núcleo do hipogloso. É un nervio motor puro.

Ten 7 ramos colaterais:

• Ramo menínxeo ou recorrente.
• Ramos vasculares.
• Ramo anstomóstico para o ganglio plexiforme do pneumogástrico ou X par.
• Nervio do músculo tirohioide.
• Nervio dos músculos hiogloso e estilogloso.
• Ramo anastomótico para o nervio lingual.
• Nervio do xenihioide.

• 
  Plexo venoso da lingua. O hipogloso foi desprazado cara abaixo nesta disección.
• 
  Sección do bulbo raquídeo.
• 
  Diagrama do tronco cerebral.
• 
  Sección sobre a decusación das pirámides.
• 
  Visión postero-lateral do tronco encefálico.
• 
  Esquema do nervio hipogloso.
• 
  Cavidade oral coa lingua cara o teito.